Í áfanganum læra nemendur að færa flóknara bókhald bæði dagbókarfærslur og uppgjör, færa endurmat fyrirtækja og uppgjör á T-reikningum. Einnig læra nemendur um skuldabréf og afföll sem þeim tengjast og verðtryggingu skuldabréfa.
Kynnt er hvernig nota má upplýsingakerfi á borð við Microsoft Dynamics Nav til færslu bókhalds. Nemendur kynnast ótvíræðum kostum þess að færa bókhald með aðstoð tölvu. Helstu kerfi eru kynnt svo sem fjárhags-, viðskipta-, sölu-, birgða-, lánadrottna- og launakerfi ásamt því hvernig kerfin mynda eina heild.
Kennsla byggist á innlögn kennara, umræðum, dæmatímum og verkefnavinnu. Lögð er áhersla á að nemendur séu sjálfstæðir í vinnubrögðum og geri sér grein fyrir eigin ábyrgð. Nemendur vinna mest sjálfstætt, einir eða í hóp.
BÓKF1BR05
Nemandi skal hafa öðlast þekkingu og skilning á:
• mati vörubirgða
• bókhaldslegri meðferð skuldabréfa og hlutabréfa
• mismunandi réttarformi fyrirtækja
• mismunandi afskriftarreglum
• vísitölu og verðbótum
• sölu og sameiningu fyrirtækja
• uppsetningu bókhaldslykils, vörunúmera, viðskiptamanna og lánadrottna
• uppsetningu kennitalna til upplýsingaöflunar úr bókhaldi
Nemandi skal hafa öðlast leikni í að:
• reikna meðalálagninu vörubirgða
• reikna og bóka verðbætur, vexti og afborganir af skuldabréfum
• reikna og bóka afföll skuldabréfa
• bóka færslur sem tengdar eru hlutabréfaeign
• reikna og bóka arðgreiðslur
• nota viðskiptahugbúnað til færslu fjárhags-, sölu-, viðskipta-, birgða- , lánadrottna-og launabókhalds og skilji tengsla kerfanna
Nemandi skal geta hagnýtt þá almennu þekkingu og leikni sem hann hefur aflað sér til að:
• færa bókhald
• vinna sjálfstætt
• starfa með viðskiptahugbúnað, sér í lagi upplýsingakerfið Microsoft Dynamics Nav
• afla gagna og vinna með upplýsingar úr bókhaldi svo sem að finna afkomutölur fyrir tiltekið tímabil, sölu- og framlegðartölur fyrir einstakar vörutegundir, prenta skuldalista og launaseðla o.s.frv.
• stofna nýja bókhaldslykla
Í áfanganum er lokapróf sem samanstendur af skriflegu prófi og prófi sem leyst er á tölvu. Lokaprófið gildir á móti ýmis konar vinnu, skyndiprófum og verkefnum sem og ástundun nemandans.