Áfanginn er inngangur að stjórnmálafræði sem fræðigrein en einkum verða þrjú meginhugtök notuð sem útgangspunktar. Lýðræði, jafnrétti og mannréttindi. Farið er ítarlega í hugmyndir og kenningar um lýðræði. Lýðræði á Íslandi og íslenska stjórnkerfið er tekið sérstaklega fyrir. Jafnréttishugtakið skoðað frá mörgum sjónarhornum, t.d. út frá hugtökum á borð við kyn, kynhneigð, kynþátt o.fl. Unnið er með mannréttindahugtakið í tengslum við jafnrétti.
Kennsluaðferðir eru í meginatriðum þrenns konar. Í fyrsta lagi eru fyrirlestrar kennara þar sem námsefnið er reifað og hugtök útskýrð. Þá eru umræður og loks verkefnavinna nemenda; úr námsefninu sjálfu eða öðru sem því tengist. Nemendur kynna sér sjálfir ýmislegt efni sem tiltækt er á netinu og vinna verkefni, jafnt einstaklings- sem hópaverkefni. Gert er ráð fyrir að nemendur sæki kennslustundir og taki virkan þátt í umræðum og verkefnavinnu.
Engar
Nemandi skal hafa öðlast þekkingu og skilning á:
• hugtökum, kenningum, viðfangsefnum og aðferðum greinarinnar
• þýðingu greinar fyrir upplýsta samfélagslega umræðu og gagnrýna hugsun
• hugtökum á borð við lýðræði, jafnrétti, mannréttindi
• stofnunum íslenska lýðveldisins og virkni þeirra
• helstu atriðum í tengslum við jafnréttisumræðu nútímans
• mannréttindum í víðum skilningi
• réttindum og skyldum þegna í lýðræðissamfélagi
Nemandi skal hafa öðlast leikni í að:
• setja viðfangsefni fram á skýran, aðgengilegan og fjölbreyttan hátt
• vinna á skilvirkan hátt og sýna frumkvæði og samvinnu við nám og störf
• verja rökstudda afstöðu sína
•taka þátt í umræðum og greina stjórnmálafræðileg málefni á gagnrýninn hátt
• nota lykilhugtök tengd efninu
• greina mismunun milli ólíkra hópa
• greina stjórnmála- og jafnréttisumræðu í fjölmiðlum og í daglegu lífi
Nemandi skal geta hagnýtt þá almennu þekkingu og leikni sem hann hefur aflað sér til að:
• taka þátt í málefnalegum umræðum
• rökræða skoðanir annarra á yfirvegaðan og fordómalausan hátt
• efla siðferðilega dómgreind sína
• sýna frumkvæði í verkum sínum og samskiptum
• tileinka sér gagnrýna hugsun og sjálfstæð vinnubrögð í faginu
• gera sér grein fyrir samspili viðhorfa, umburðalyndis og fordóma
• finna, meta og greina heimildir og nýta þær í hagnýtum tilgangi
• verða virkur þátttakandi í lýðræðissamfélagi
• taka virkan þátt í samfélagsumræðu um stjórnmál, lýðræði, jafnrétti og mannréttindi
Lokaeinkunn í áfanga skiptist jafnt á milli lokaprófseinkunnar og vinnueinkunnar. Vinnueinkunn er byggð upp á ýmsum verkefnum, stórum sem smáum, stuttum kaflaprófum og mati á viðhorfum og virkni í námi.