Nemendur læra að búa til og útskýra einfalda tölvuleiki og kvik grafísk tölvuforrit. Tölvugrafík er skoðuð sem mengi punkta í hnitakerfi. Jöfnur og ójöfnur eru nýttar til að búa til myndir og kanna árekstra. Flæði forrits er stjórnað með rökskilyrðum, lykkjum og föllum. Hliðranir, snúningar og vigrar eru notaðir til að herma hreyfingu. Fjölskyldur af ferlum eru notaðar til að búa til áhugaverðar myndir. Nemendur nýta fyrri þekkingu sína á stærðfræði við forritunina og bæta nýrri við.
STÆR2LH05
Nemandi skal hafa öðlast þekkingu og skilning á:
því hvað tölvuforrit er
hvernig tvívíð kvik tölvugrafík er venjulega skipulögð með hnitakerfi, föllum og snúningum, hliðrunum og vigrum
flæði forrita með rökskilyrðum, lykkjum og klösum
ýmsum föllum og ferlum og stikaformi þeirra
hvernig nota má eðlisfræðilögmál til að gera sannfærandi hreyfimyndir
Nemandi skal hafa öðlast leikni í að:
beita vigrum, færslum, ferlum og föllum til að búa til hreyfimyndir í tölvum
tjá sig um og útskýra hvernig það er gert, almennt og um ýmis tiltekin tilfelli
beita rökskilyrðum, lykkjum, klösum og öðrum forritunarhugtökum til að búa til gagnvirka tölvugrafík
Nemandi skal geta hagnýtt þá almennu þekkingu og leikni sem hann hefur aflað sér til að:
hanna, forrita og útskýra einfalda tölvuleiki og kvik grafísk líkön með vísan í hugtök úr stærðfræði og tölvunarfræði
ígrunda, rökstyðja og gagnrýna ólíkar lausnir á hönnunar- og forritunarverkefnum
skapa tölvuleik eða annað grafískt og gagnvirkt tölvuforrit og nýta til þess eigin frumleika, innsæi og fyrri þekkingu.