Í áfanganum fer fram hagnýtur undirbúningur fyrir háskólanám og atvinnulíf. Nemendur búa sig undir alþjóðleg matspróf í ensku, t.d. TOEFL.
ENSK3HR05
Nemandi skal hafa öðlast þekkingu og skilning á:
orðaforða, uppruna hans, málstofnum, orðmyndun og öðru sem gerir honum kleift að tileinka sér lesefni í áframhaldandi námi og starfi.
hefðum sem eiga við um talað og ritað mál.
uppbyggingu alþjóðlegra matsprófa, t.d. TOEFL.
Nemandi skal hafa öðlast leikni í að:
lesa sér til ánægju fræðandi og krefjandi texta og vinna með þá, t.d. með því að finna kjarna máls.
beita rökfærslu og að draga ályktanir.
beita ritmálinu í mismunandi tilgangi með stílbrigðum og málsniði sem við á hverju sinni.
nýta sér fyrirlestra, umræður og rökræður um fræðileg efni.
tjá sig af öryggi um margvísleg málefni sem tengjast hinum ýmsu fræðigreinum.
taka stöðluð próf sem krafa er gerð um í háskólum víða um heim.
Nemandi skal geta hagnýtt þá almennu þekkingu og leikni sem hann hefur aflað sér til að:
taka stöðluð próf í ensku, s.s. TOEFL.
nýta sér fyrirlestra, umræður og rökræður um fræðileg málefni.
nýta sér fræðitexta og meta heimildir á gagnrýninn hátt.
geta flutt vel uppbyggða frásögn, kynningu eða greinargerð, dregið fram aðalatriði og rökstutt mál sitt nokkuð nákvæmlega með dæmum og brugðist við fyrirspurnum.
beita rithefðum sem við eiga í textasmíð.
skrifa texta með röksemdafærslu þar sem fram koma rök með og á móti málefnum og þau vegin og metin.
geta lýst skýrt og greinilega flóknum hlutum eða ferlum á sviði sem hann þekkir vel og nýtt faglegan orðaforða á lipran og skýran máta í ritun og tali.
vinna úr ýmsum upplýsingaveitum og fella saman í eina heild samkvæmt þeim venjum sem gilda um heimildavinnu.