Viðfangsefni undanfarans eru rifjuð upp. Áfram er unnið að því að þjálfa framburð, lesskilning, hlustun, tal og ritun. Textar verða lengri og margvíslegri. Orðaforði er aukinn og ný málfræðiatriði þjálfuð. Að mestu er lokið við að fara yfir grundvallaratriði franska málkerfisins. Frásagnir í nútíð og þátíð eru þjálfaðar munn – og skriflega. Áfram er unnið að því að kynna Frakkland, frönskumælandi svæði og menningu þeirra. Nemendur eru þjálfaðir skipulega í að nýta sér ýmis hjálpargögn, s.s. orðabækur, málfræðibækur og netið
FRAN1FS05
Nemandi skal hafa öðlast þekkingu og skilning á:
þeim orðaforða sem þarf til að standast hæfiviðmið þrepsins
grundvallarþáttum franska málkerfisins
einföldum samskiptum og tjáningu í mæltu og rituðu máli
Frakklandi og frönskum málsvæðum ásamt menningu þeirra
Nemandi skal hafa öðlast leikni í að:
skilja talað mál um almenn og sérhæfð kunnugleg efni þegar talað er hægt og skýrt
skilja texta um almenn og sérhæfð efni sem fjallað er um í áfanganum
taka þátt í almennum samræðum um efni sem hann þekkir eða hefur áhuga á og nota málsnið við hæfi
fylgja söguþræði í einföldum eða einfölduðum bókmenntatexta
segja frá í nútíð og þátíð
geta ritað stutta einfalda, samfellda texta í nútíð og þátíð
nýta sér ýmis hjálpargögn
Nemandi skal geta hagnýtt þá almennu þekkingu og leikni sem hann hefur aflað sér til að:
skilja talað mál um kunnuglegt efni í fjöl – og myndmiðlum ef talað er hægt og skýrt
tileinka sér aðalatriðin í stuttum og einföldum rauntextum
tjá hugsanir sínar og skoðanir á einfaldan hátt
rita stutta, einfalda og samfellda texta um kunnuglegt efni í nútíð og þátíð
lesa einfaldan eða einfaldaðan bókmenntatexta
Skriflegt og munnlegt mat á málfærni, málnotkun og grunnþáttum í uppbyggingu málsins. Metin eru hópverkefni, ástundun og sjálfstæð vinnubrögð