Viðfangsefni undanfara áfanga eru rifjuð upp. Áfram er unnið að því að þjálfa lesskilning, hlustun, tal og ritun. Textar verða lengri og margvíslegri. Orðaforði er aukinn, ný málfræðiatriði eru þjálfuð. Að mestu er lokið við að fara yfir grundvallaratriði spænska málkerfisins. Frásagnir í nútíð og þátíð eru þjálfaðar munnlega og skriflega. Áfram er unnið að því að kynna spænskumælandi svæði og menningu þeirra. Nemendur eru þjálfaðir skipulega í að nýta sér ýmis hjálpargögn, s.s. orðabækur, málfræðibækur og netið
SPÆN1SS05 (spænska 2)
Nemandi skal hafa öðlast þekkingu og skilning á:
orðaforða sem þarf til að mæta hæfiviðmiðum þrepsins
grundvallaratriðum spænska málkerfisins
einföldum samskiptum í mæltu og rituðu máli
spænskumælandi svæðum og menningu þeirra
Nemandi skal hafa öðlast leikni í að:
skilja talað mál um almenn og sérhæfð kunnugleg efni þegar talað er hægt og skýrt
skilja texta um almenn og sérhæfð efni sem fjallað er um í áfanganum
taka þátt í almennum samræðum um efni sem hann þekkir eða hefur áhuga á og nota málsnið við hæfi
fylgja söguþræði í einföldum bókmenntatexta
segja frá í nútíð og þátíð
geta ritað stutta, einfalda, samfellda texta í nútíð og þátíð
nýta sér ýmis hjálpargögn
Nemandi skal geta hagnýtt þá almennu þekkingu og leikni sem hann hefur aflað sér til að:
skilja talað mál um kunnuglegt efni í fjöl- og myndmiðlum ef talað er hægt og skýrt
tileinka sér aðalatriðin í stuttum og einfölduðum rauntextum
tjá skoðanir sínar og hugsanir á einfaldan hátt
rita stutta, einfalda og samfellda texta um kunnuglegt efni í nútíð og þátíð
lesa einfaldan bókmenntatexta
Skriflegt og munnlegt mat á málfærni, málnotkun og grunnþáttum í uppbyggingu málsins. Metin eru hópverkefni og ástundun