Megináhersla er lögð á að nemendur tileinki sér undirstöðuatriði tungumálsins. Nemendur eru þjálfaðir í réttum framburði, lestri, hlustun, tali og ritun. Einföld málfræðiatriði eru kynnt og útskýrð. Áhersla lögð á uppbyggingu orðaforða og viðeigandi málsnið. Umfjöllun um Þýskaland, þýska menningu og þýskumælandi málsvæði. Efni á netinu kynnt og ýmiskonar annað ítarefni, s.s. tónlist og myndefni
Nemandi skal hafa öðlast þekkingu og skilning á:
þeim orðaforða sem þarf til að geta lesið, hlustað á, skilið og rætt um einföldustu atriði
helstu grundvallarþáttum þýsks málkerfis, s.s. framburði, tónfalli og einfaldri setningaskipan
Þýskalandi og þýskum málsvæðum ásamt einstökum þáttum þýskrar menningar
einföldum samskiptum og tjáningu í mæltu og rituðu máli
Nemandi skal hafa öðlast leikni í að:
skilja talað mál um kunnugleg efni þegar talað er hægt og skýrt
geta fylgt einföldum fyrirmælum og skilið kveðjur og kurteisisávörp
lesa einfalda texta sem innihalda algengan orðaforða sem tengjast nemandanum, fjölskyldu, umhverfi og áhugamálum og daglegu lífi
taka þátt í einföldum samræðum um efni sem hann þekkir og beita málsniði við hæfi
segja á einfaldan hátt frá sjálfum sér, fjölskyldu, umhverfi og áhugamálum
geta ritað stutta, einfalda texta í nútíð
Nemandi skal geta hagnýtt þá almennu þekkingu og leikni sem hann hefur aflað sér til að:
skilja talað mál um kunnuglegt efni ef talað er hægt og skýrt
taka þátt í einföldum samræðum og nota viðeigandi málsnið
kynna sjálfan sig á einfaldan hátt
rita stutta, einfalda texta um kunnuglegt efni
Skriflegt og munnlegt mat á málfærni, málnotkun og grunnþáttum í uppbyggingu málsins. Metin eru hópverkefni, ástundun og sjálfstæð vinnubrögð