Í áfanganum er lögð áhersla á að nemendur lesi fjölbreytta texta, bæði fréttatengda þar sem þeir kynnast Danmörku dagsins í dag en einnig fræðilega og bókmenntalega texta svo nemendur kynnist þeim arfi sem menning þeirra hvílir á. Einnig er lögð áhersla á að kynna danska menningu í máli og myndum með kvikmyndum og sjónvarpsþáttum o.fl.
Lögð er áhersla á að þjálfa og æfa málnotkun og danska málfræði.
B í grunnskóla eða sambærilegur undirbúningur
Nemandi skal hafa öðlast þekkingu og skilning á:
lestri mismunandi texta
dönsku tal- og ritmáli
danskri málfræði og málnotkun
Nemandi skal hafa öðlast leikni í að:
skilja talað mál þar sem fjallað er um þekkt efni
tjá sig sæmilega á dönsku
skrifa samfelldan texta um þekkt efni eða áhugamál
beita grundvallaratriðum danskrar málfræði og málnotkunar
Nemandi skal geta hagnýtt þá almennu þekkingu og leikni sem hann hefur aflað sér til að:
lesa mismunandi texta sér til gagns og gamans, s.s dagblöð, tímarit og bókmenntir
eiga samskipti við Norðurlandabúa
kynnast betur danskri (norrænni) menningu og dönskum siðum
skrifa mismunandi texta í margs konar tilgangi
Fjölbreytilegt námsmat með áherslu á símat, tíða endurgjöf og leiðsögn. Vinna nemenda í kennslustundum er metin, lögð eru fyrir einstaklings- og hópverkefni og stutt próf eftir atvikum. Munnlegt og skriflegt lokapróf.