tengsl manns og náttúru og nýting hans á auðlindum
Samþykkt af skóla
1
5
Fjallað verður um tengsl manns og náttúru hvað varðar jarðefni, lofthjúp, vatn og lífríki. Einnig um nýtingu náttúruauðlinda í landbúnaði, sjávarútvegi, ferðaþjónustu og orkuvinnslu. Þá verða helstu hugtök er lúta að umhverfisfræði kynnt s.s mengun, endurnýjanlegar og óendurnýjanlegar auðlindir, sjálfbær þróun, náttúruvernd og alþjóðlegar skuldbindingar.
Lögð verður áhersla á sjálfstæða vinnu nemenda eftir áhugasviðum og umræðum um efni áfangans. Einnig verða vettvangsferðir gildur hluti námsins.
Nemandi skal hafa öðlast þekkingu og skilning á:
hugtakinu sjálfbær þróun
endurnýjanlegum og óendurnýjanlegum auðlindum
samspili jarðar, lofthjúps, vatns og lífríkis
tengslum og áhrifum manns á náttúru
hlýnun jarðar, orsökum, afleiðingum og ábyrgð einstaklingsins
nýtingu landbúnaðar, sjávarútvegs, ferðaþjónustu og orkuvinnslu á auðlindum
vistvænni nýtingu atvinnugreina á umhverfinu
mengun í lofti, láði og legi
hugtakinu vistspor
flokkun sorps og endurnýtingu
alþjóðlegum skuldbindingum og samningum
Nemandi skal hafa öðlast leikni í að:
leggja sjálfstætt mat á áhrif mannsins á umhverfið
meta áreiðanleika upplýsinga um umhverfismál
miðla efni munnlega og skriflega um umhverfismál og auðlindanýtingu
taka þátt í umræðum um umhverfismál og auðlindanýtingu
sýna ábyrga hegðun í umhverfismálum og auðlindanýtingu
vinna með öðrum að lausnum í umhverfis- og auðlindamálum
Nemandi skal geta hagnýtt þá almennu þekkingu og leikni sem hann hefur aflað sér til að:
umgangast náttúruna af ábyrgð ...sem er metið með... umræðum og verkefnavinnu
leggja mat á auðlindanýtingu og umgengni við náttúruna í sinni heimabyggð ...sem er metið með... verkefnavinnu
meta áhrif mannsins á umhverfið ...sem er metið með... verkefnavinnu og umræðum
taka rökstudda afstöðu til álitamála í umhverfismálum og auðlindanýtingu ...sem er metið með... verkefnavinnu og umræðum
Fjölbreytilegt námsmat með áherslu á símat, tíða endurgjöf og leiðsögn. Virkni nemenda í kennslustundum og vettvangsferðum er metin, lögð eru fyrir einstaklings- og hópverkefni og stutt próf eftir atvikum.