Áfanginn er bæði verklegur og bóklegur. Í bóklega hlutanum er farið yfir áhrif líkamsræktar á líkama og sál. Sérstök áhersla er lögð á næringu og eigin þjálfun. Í verklega hlutanum eru helstu íþróttagreinar kynntar og almenn þrekþjálfun. Einnig fá nemendur tækifæri til að framkvæma þolpróf.
Nemandi skal hafa öðlast þekkingu og skilning á:
flokkun næringarefna í fæðunni
mismunandi áhrifum næringarefna og mataræðis á líkamann
uppsetningu þjálfunaráætlana
þýðingu þolprófa
Nemandi skal hafa öðlast leikni í að:
meta eigin líkamsástand
glíma við fjölbreytt verkefni sem snúa að alhliða hreyfingu og næringu
iðka alhliða líkams- og heilsurækt
framkvæma þolpróf
setja upp eigin þjálfunaráætlun
Nemandi skal geta hagnýtt þá almennu þekkingu og leikni sem hann hefur aflað sér til að:
leysa af hendi verkefni, æfingar og leiki sem viðhalda og bæta grunnþol
stunda fjölbreytta líkams- og heilsurækt, jafnt úti sem inni
framkvæma eigin þjálfunaráætlun sem miðar að því að auka þol og líkamlega getu til íþrótta og útivistar
nýta sér upplýsingatækni við alhliða líkams- og heilsurækt og mat á eigin heilsu