Áfanginn byggir á að nemendur hafi grunnþekkingu í grafískri hönnun. Í áfanganum hanna nemendur ferilmöppu með eigin verkum til prentunar og útgáfu. Áhersla er á að þeir öðlist skilning á sérstöðu eigin verka og velji sér framsetningu við hæfi. Nemendur vinna að möppunni í samráði við kennara og kynna verkið reglulega fyrir samnemendum. Jafnframt halda nemendur við heimasíðunni sinni og bæta við verkum sem unnin eru á önninni. Áhersla er á að ferilmappan sýni hugmyndavinnu, vinnuferli og lokaverk. Jafnframt vinna nemendur að eigin heimasíðu og gera myndræna kynningu á sjálfum sér, t.d. með hreyfigrafík. Nemendur þurfa að fylgjast vel með því sem efst er á baugi í grafískri hönnun líðandi stundar. Heimsóknir á vinnustofur listamanna, sýningar og fyrirlestrar eru því mikilvægur þáttur í náminu.
hvernig nýta má þá sérhæfðu þekkingu sem hann hefur aflað sér til framsetningar á eigin verkum og kynningu á sjálfum sér.
þeim tækjum og hugbúnaði sem nauðsynlegur er við verkefnavinnu.
mikilvægi þess að fylgjast vel með því sem er að gerast í grafískri hönnun líðandi stundar.
eigin sérstöðu og einstaklingsstyrk.
Nemandi skal hafa öðlast leikni í að:
skipuleggja og vinna heildstæða kynningu á eigin verkum og á sjálfum sér sem byggir á sérhæfðri þekkingu í grafískri hönnun.
rökstyðja ákvarðanir á faglegum grunni.
gera grein fyrir inntaki verka sinna á skýran, skipulagðan og greinargóðan hátt.
afla sér nauðsynlegrar viðbótarþekkingar.
skoða og útskýra verk annarra af víðsýni og þekkingu.
Nemandi skal geta hagnýtt þá almennu þekkingu og leikni sem hann hefur aflað sér til að:
vinna sjálfstætt að skipulagningu, úrvinnslu og frágangi á ferilmöppu með eigin verkum til prentunar og útgáfu. Námsmat: leiðsagnarmat, jafninga- og verkefnamat.
vinna sjálfstætt myndrænu kynningarefni á sjálfum sér. Námsmat: leiðsagnarmat, jafninga- og verkefnamat.
fjalla um og meta eigin verk á upplýstan og greinargóðan hátt. Námsmat: sjálfsmat og frammistöðumat.
greina, tjá sig um og meta verk annarra af þekkingu, víðsýni og umburðarlyndi. Námsmat: frammistöðumat.
skila af sér heilsteyptum fullbúnum verkum og koma þeim á framfæri. Námsmat: leiðsagnar-, frammistöðu-, jafningja- og sjálfsmat.
Leiðsagnarmat, frammistöðumat, jafningamat og sjálfsmat.