bókmenntasaga 1900 til samtímans, hugtakabeiting, nútímabókmenntir
Samþykkt af skóla
2
5
Fjallað verður um bókmenntasögu frá 1900 til samtímans. Lesnir verða fjölbreyttir textar. Nemendur læra helstu hugtök bókmenntafræði og æfast í að beita þeim. Einnig verður lögð áhersla á munnlega tjáningu. Nemendur þjálfast í samræðutækni, að tjá skoðun sína og að taka afstöðu. Nemendur fá leiðbeiningar við ritun texta og við notkun heimilda.
B í grunnskóla eða sambærilegur undirbúningur
Nemandi skal hafa öðlast þekkingu og skilning á:
grunnhugtökum varðandi bókmenntir og bragfræði
helstu stefnum og straumum frá 1900 til samtímans
gildi fjölbreytts orðaforða, orðasambanda og ólíks málsniðs í ræðu og riti
samræðu- og viðtalstækni
byggingu ritsmíða og þeim reglum sem gilda um uppsetningu og frágang ritsmíða
grunnatriðum heimildavinnu
Nemandi skal hafa öðlast leikni í að:
lesa fjölbreytta texta, jafnt nytjatexta sem skáldverk
beita myndmáli og stílbrögðum í tali og ritmáli
beita upplýsingalæsi og nota handbækur og upplýsingaveitur
beita samræðutækni og viðtalstækni
rita persónulegan texta
vinna mismunandi tegundir ritgerða
Nemandi skal geta hagnýtt þá almennu þekkingu og leikni sem hann hefur aflað sér til að:
lesa á milli línanna og átta sig á dýpri merkingu texta
taka afstöðu af umburðarlyndi og útskýra sjónarmið sín
láta hugmyndaflugið njóta sín
tjá sig á skýran og áheyrilegan hátt í ræðu og riti, með fjölbreyttum orðaforða sem tekur mið af mismunandi málsniði
velja heimildir með gagnrýnum hætti
Fjölbreytilegt námsmat með áherslu á símat, tíða endurgjöf og leiðsögn.