Fjallað verður um bókmenntasögu frá 1550 til 1900. Lesnir verða fjölbreyttir textar. Nemendur túlka þá og setja í samhengi við eigin reynslu og skoðanir. Hugtök í beyginga- og setningafræði dýpkuð og nemendur þjálfast í beitingu þeirra. Einnig þjálfast nemendur í samræðum um álitamál. Farið verður dýpra í heimildavinnu, heimildarýni og meðferð tilvitnana. Nemendur ná betri tökum að setja upp ritgerðir og ganga frá texta.
10 einingar á hæfniþrepi 2
Nemandi skal hafa öðlast þekkingu og skilning á:
hugtökum varðandi sögu (tíma, sögusviði, boðskap o.fl.), ljóðstíl (myndmáli og stílbrögðum) og bragfræði
helstu stefnum og straumum frá 1550-1900
helstu hugtökum málfræði og setningafræði
gildi rannsóknarspurningar
heimildavinnu og úrvinnslu tilvitnana
Nemandi skal hafa öðlast leikni í að:
lesa fjölbreytta texta; svo sem fræðitexta, skáldsögu og ljóð
beita bókmenntahugtökum
tengja texta við ákveðin tímabil
beita hugtökum í málfræði til að móta eigin stíl
nota mismunandi málsnið
eiga samræður um álitamál
flytja erindi á áheyrilegan hátt
meta gildi og áreiðanleika heimilda (heimildarýni)
tengja tilvitnanir eigin umfjöllun og leggja út af þeim
setja upp ritgerðir og ganga frá texta
Nemandi skal geta hagnýtt þá almennu þekkingu og leikni sem hann hefur aflað sér til að:
túlka dýpri merkingu texta og fært rök fyrir máli sínu
taka þátt í fordómalausum skoðanaskiptum, færa rök fyrir máli sínu og taka á mótrökum í ræðu og riti og bregðast við athugasemdum um eigin verk
skrifa margskonar texta með mismunandi málsniði á blæbrigðaríkan hátt og fylgja rithefðum
vera skapandi í skrifum sínum
meta og nota frumheimildir á viðurkenndan hátt
Fjölbreytilegt námsmat með áherslu á símat, tíða endurgjöf og leiðsögn