Í áfanganum er fjallað um töluleg gögn og myndræna framsetningu þeirra. Einnig er farið í einkennistölur gagnasafna, s.s. miðsækni og deifingu. Fjallað er um líkindareikning, normaldreifingu og fylgni. Unnið er með gagnasafn þar sem unnið er úr helstu einkennistölum þess.
Nemandi skal hafa öðlast þekkingu og skilning á:
lýsandi tölfræði
miðsækni og dreifingu gagnasafna
líkindareikningi
tvíliðaformúlunni, normaldreifingu og z-stigum
fylgnihugtakinu
Nemandi skal hafa öðlast leikni í að:
reikna helstu einkennistölur gagnasafna, s.s miðsækni og dreifingu
búa til tíðnitöflur og setja þær upp á myndrænan hátt
nýta sér töflureikni við úrvinnslu gagna
reikna út líkindi og vinna með samantektir og umraðanir
reikna fylgni
reikna z-stig og draga tölfræðilegar ályktanir af normaldreifðu þýði
Nemandi skal geta hagnýtt þá almennu þekkingu og leikni sem hann hefur aflað sér til að:
beita skipulögðum vinnubrögðum á gagnrýninn hátt við lausn verkefna
vara sig á misbeitingu tölfræðinnar, t.d. í sambandi við prósentureikning og sér í lagi varðandi myndræna framsetningu
lesa tölulegar upplýsingar og draga gagnrýnar ályktanir út frá þeim
Áhersla er á símat og tíða endurgjöf. Námsmat byggir einnig á könnunarprófum og samvinnuverkefnum. Í áfanganum er lokapróf.