Í áfanganum er lögð áhersla á alla málfærniþætti með aukinni áherslu á munnlega og skriflega tjáningu. Málfræðiatriði, sem kynnt voru í undanförum, eru rifjuð upp og æfð í nýju samhengi. Textar verða lengri og þyngri og unnið er með ákveðin þemu sem t.d. tengjast dagblöðum og fjölmiðlum, ferðalögum, áhugaverðum stöðum á spænskumælandi svæðum, tómstundaiðju, veðri og veðurspá. Unnið er með mismunandi efni: texta í kennslubók, bókmenntatexta, tónlist og myndbönd. Smásögur og léttari bókmenntir á þyngdarskala 2 til 3 eru lesnar, og lögð áhersla á að nemendur tjái sig munnlega um efnið. Einnig er horft á myndefni. Nemendur halda kynningu í hópnum um valið efni. Viðfangsefni áfangans eru á stigi A2 samkvæmt samevrópska matsrammanum.
SPÆN1TS05
Nemandi skal hafa öðlast þekkingu og skilning á:
orðaforða sem nauðsynlegur er til þess að ná hæfnimarkmiðum áfangans
mannlífi og menningu í spænskumælandi löndum með áherslu á líf ungs fólks og geta samsamað það eigin reynslu
ólíkum textagerðum, s.s. skáldsögum, smásögum, kvikmyndum og hlustunarefniólíkum textagerðum, s.s. skáldsögum, smásögum, kvikmyndum og hlustunarefni
formgerð og uppbyggingu texta og mismuninum á töluðu og rituðu máli
grundvallaratriðum spænska málkerfisins þ.á.m. flóknari atriðum eins og viðtengingarhætti, tilvísunarsetningum og þolmynd
Nemandi skal hafa öðlast leikni í að:
fylgja meginefni lengri texta með almennum orðaforða
ná aðalatriðum í styttri textum með hjálp orðabókar
skilja talað mál um kunnugleg efni og greina aðalatriði í fjöl- og myndmiðlum þegar fjallað er um afmörkuð málefni
nota orðaforða sem gagnast við almenn samskipti við spænskumælandi fólk
halda kynningu eða segja skilmerkilega frá undirbúnu efni og geta jafnframt tekið afstöðu
lýsa staðháttum og landslagi
tjá sig markvisst með því að nota málfræðiatriði eins og aukasetningar, tíðir sagna, lýsingarorð, persónufornöfn og forsetningar af meira öryggi en áður í ræðu og riti og flóknari atriði eins og þolmynd og viðtengingarhátt í ritun
Nemandi skal geta hagnýtt þá almennu þekkingu og leikni sem hann hefur aflað sér til að:
skilja daglegt mál, s.s. samræður og fjölmiðlaefni sem hann þekkir og bregðast rétt við ...sem er metið með... verkefnavinnu
lesa og skilja meginefni lengri texta með almennum orðaforða og geta dregið ályktanir ef efnið er kunnugt ...sem er metið með... verkefnavinnu og samtalsæfingum
greina aðalatriði í flóknari sérhæfðum textum með hjálp orðabókar ...sem er metið með... verkefnavinnu
eiga tjáskipti við spænskumælandi aðila um efni sem tengjast daglegu lífi, ferðalögum, skóla og starfi ...sem er metið með... verkefnamöppu
segja skýrt og skilmerkilega frá undirbúnu eða vel þekktu efni ...sem er metið með... samtalsæfingum
geta lýst staðháttum og landslagi í heimabyggð í ræðu og riti ...sem er metið með... verkefnavinnu og samtalsæfingum
Lögð er áhersla á fjölbreytt námsmat. Verkefnamappa ásamt virkni myndar vinnueinkunn nemenda. Gert er ráð fyrir að bæði munnlegt og skriflegt lokamat verði í áfanganum.