Í áfanganum læra nemendur grunnvinnsluaðferðir í nokkrum undirstöðugreinum handmenntar. Nemendur læra að nota áhöld og tæki í greininni. Nemendur vinna prufur meðan þeir eru að ná grunnþáttunum í aðferðum og síðan nýta þeir sér þekkingu sína í eigin útfærslur og hönnun. Nemendur þurfa að temja sér vönduð og sjálfstæð vinnubrögð. Vettvangsferðir og sýning á verkefnum nemenda. Dæmi um verkefni: Prjón, hekl, útsaumur, leðurvinna, bútasaumur og fl.
Nemandi skal hafa öðlast þekkingu og skilning á:
grunnatriðum í prjóni, hekli, útsaumi og ýmsum textílaðferðum
ganga frá verkefnum
möguleikum sem eru fyrir hendi í ýmissi textílvinnu
Nemandi skal hafa öðlast leikni í að:
nota grunnaðferðir í ýmsum textíl
nýta sér mismunandi hráefni í vinnslu ýmissa hluta
búa til vinnulýsingu
Nemandi skal geta hagnýtt þá almennu þekkingu og leikni sem hann hefur aflað sér til að:
leita nýrra hugmynda til að iðka handmenntir
geta yfirfært hugmynd sína yfir í unninn hlut
útfæra verkefnin eftir vinnulýsingar
vanda frágang og vinnubrögð
Mæting og virkni. Einkunn fyrir hvern hluta á fyrri helmingi annarinnar. Seinni helmingur, sem er eigin hönnun, er metin eftir umfangi erfiðleikastigi, vandvirkni og góðum vinnubrögðum