Kennd eru grunnatriði í tauþrykki. Nemendur læra að þróa eigin form og mynstur og útfæra þau í mismunandi litasamsetningum. Gera tilraunir með einfaldar aðferðir við tauþrykk. Farið verður í grunnatriði forms og litafræði. Nemendur hanna nytjahlut, framleiða, mála/lita og sýna/kynna
Nemandi skal hafa öðlast þekkingu og skilning á:
möguleikum í gerð stimpla, skapalóna (máta) og silkiramma við málun og þrykki á fata- og textílefni
mun yfirborðslita og efnahvarfslita og meðhöndlun þeirra
Nemandi skal hafa öðlast leikni í að:
meðhöndla þrykkliti og tilheyrandi áhöld
móta eigið mynstur, form og liti saman, svo úr verði heildarmynd
Nemandi skal geta hagnýtt þá almennu þekkingu og leikni sem hann hefur aflað sér til að:
ná tökum á einföldu tauþrykki
þroska tilfinningu fyrir formi, litum, notagildi og listrænu yfirbragði
Einkunn fyrir mætingu og virkni. Nemendur skila vinnumöppu og fá verkefni metin