Að jafnaði skal miðað við að áfanginn sé tekinn undir lok náms, t. d. á lokaönn. Í áfanganum vinna nemendur rannsóknarverkefni þar sem þeir beita vinnulagi þess sviðs sem þeir hafa valið sér. Val á verkefni er ákveðið í samráði við kennara og ræðst af fyrra námi og áhugasviði. Frá því má þó víkja ef rík ástæða er til. Gerðar eru miklar kröfur um sjálfstæð vinnubrögð. Nemendur nýta fyrri þekkingu og skilning við vinnslu rannsóknarverkefnis síns. Þeir kynna niðurstöður sínar opinberlega.
Forkröfur ráðast af þeim rannsóknaraðferðum sem viðfangsefnið krefst.
Nemandi skal hafa öðlast þekkingu og skilning á:
sviði viðfangsefnisins
vinnu rannsóknar- og heimildaverkefna
vandaðri kynningu á verkefnavinnu
sjálfstæði í vinnubrögðum
Nemandi skal hafa öðlast leikni í að:
vinna sjálfstætt að rannsóknum og verkefnum
afla gagna og fara með heimildir
kynna niðurstöður sínar og tjá sig á opinberum vettvangi
gera og fylgja vinnuáætlun
Nemandi skal geta hagnýtt þá almennu þekkingu og leikni sem hann hefur aflað sér til að:
beita skipulögðum vinnubrögðum á gagnrýninn hátt við lausn verkefna
sýna sjálfstæði í vinnubrögðum við undirbúning, framkvæmd og úrvinnslu verkefna
vinna á skipulegan og agaðan hátt í rannsóknarvinnu
vinna og leggja mat á upplýsingar úr gögnum á sjálfstæðan og gagnrýninn hátt
setja verkefni sitt í samhengi við nærumhverfi sitt
Námsmat byggir á á símati og tíðri endurgjöf. Regluleg skil á vinnu nemenda og vinnudagbók metin. Opinber munnleg og skriflega skil nemenda metin.