Lofttegundir og orka, jafnvægi og hraðafræði efnahvarfa
EFNA3EG05
39
efnafræði
gaslögmálið, hraði og orka, jafnvægi, orka í efnahvörfum
Samþykkt af skóla
3
5
Í þessum framhaldsáfanga er haldið áfram með grunnatriði efnafræðinnar þar sem sem byggt er ofan á fyrri þekkingu. Efnisþættir sem teknir verða fyrir í áfanganum eru eftirfarandi: yfirlit yfir helstu efnahvörf, hraði efnahvarfa og hraðalögmálið, efnafræði lofttegunda, orkuhugtakið almennt og í tengslum við efnahvörf, og jafnvægishugtakið í tengslum við efnahvörf. Áhersla er lögð á dæmareikning þar sem ofangreindum efnisþáttum er fléttað saman. Einnig þurfa nemendur að gera verklegar æfingar sem tengjast efninu.
EFNA2LO05
Nemandi skal hafa öðlast þekkingu og skilning á:
gaslögmálinu
grunnatriðum efnafræði lofttegunda
innri orku og hvarfvarma
lögmáli Hess
grunnhugmyndum um orku og lögmálinu um varðveislu orkunnar
jafnvægishugtakinu
hraða efnahvarfa
helstu efnahvörfum (sýru-basa, oxun-afoxun og fellingu)
Nemandi skal hafa öðlast leikni í að:
skilgreina ofangreind hugtök og greina milli ólíkra efnafræðihugtaka
framkvæma verklegar æfingar og vinna úr niðurstöðum þeirra
nota gaslögmálið
nota lögmál Hess
skrifa raungreinaskýrslu
skrifa jafnvægislíkingu efnahvarfs og nota hana
Nemandi skal geta hagnýtt þá almennu þekkingu og leikni sem hann hefur aflað sér til að:
tengja efnafræði við daglegt líf og umhverfi og sjá notagildi hennar
tjá sig í ræðu og riti um raungreinar
átta sig á hvaða reikniaðferðir eiga við hverju sinni við útreikninga í efnafræði
gera sér grein fyrir mikilvægi nákvæmra vinnubragða í efnafræði
Fjölbreytilegt námsmat með áherslu á símat, tíða endurgjöf og leiðsögn. Vinna nemenda í kennslustundum er metin, lögð eru fyrir skrifleg og verkleg verkefni. Skriflegt lokapróf.