Það kom upp villa senda inn  Áfangi

    Áfangi Nánari upplýsingar


    Búið til: 1426691908.41

    Efnahvörf og rafefnafræði
    EFNA3RA05
    26
    efnafræði
    efnahvörf, rafefnafræði og kjarnaefnafræði
    Samþykkt af skóla
    3
    5
    Efnisþættir sem eru teknir fyrir í áfanganum eru ólíkar gerðir efnahvarfa og helstu gerðir efnahvarfa kjarnaefnafræðinnar. Mjög ítarlega er farið í sýru-basa hvörf og hvörf málma við sýru. Haldið er áfram með leysni salta og leysnimargfeldi. Einnig er fjallað um rafefnafræði, galvanihlöð og aðrar rafhlöður í sambandi við oxun-afoxunar hvörf. Áhersla er lögð á dæmareikning þar sem ofangreindum efnisþáttum er fléttað saman.
    EFNA3EG05
    Nemandi skal hafa öðlast þekkingu og skilning á:
    • myndun salta og ákvörðun leysnimargfeldis þeirra
    • myndun botnfalls
    • áhrifum samskonar jóna á jafnvægi fellingarhvarfa
    • sýrum og bösum, pH hugtakinu
    • sjálfsjónun vatns, sýru og basa klofningsfasta
    • muninum á römmum og veikum lausnum af sýrum og bösum
    • sýru-basa-títrun
    • spennuröðinni
    • galvanihlöðum, Nernst-jöfnunni og rafgreiningu
    • tæringu og tæringarvörnum
    • gerð geislunar, hraða niðurbrots við geislun og helmingunartíma geislavirkra samsæta
    Nemandi skal hafa öðlast leikni í að:
    • skilgreina ofangreind hugtök og greina milli ólíkra efnafræðihugtaka
    • framkvæma verklegar æfingar og vinna úr niðurstöðum þeirra
    • skrifa raungreinaskýrslu
    • reikna dæmi tengd hugtökunum hér að ofan
    • spá fyrir um myndun botnfalls með reikningum
    Nemandi skal geta hagnýtt þá almennu þekkingu og leikni sem hann hefur aflað sér til að:
    • tengja efnafræði við daglegt líf og umhverfi og sjá notagildi hennar
    • geta tjáð sig í ræðu og riti um raungreinar
    • átta sig á hvaða reikniaðferðir eiga við hverju sinni við útreikninga í efnafræði
    • gera sér grein fyrir mikilvægi nákvæmra vinnubragða í efnafræði
    Fjölbreytilegt námsmat með áherslu á símat, tíða endurgjöf og leiðsögn. Vinna nemenda í kennslustundum er metin, lögð eru fyrir skrifleg og verkleg verkefni. Skriflegt lokapróf.