Í áfanganum er fjallað um frumkvöðla félagsfræðinnar, kenningar þeirra og framlag til aukins skilnings á samfélaginu sem er skoðað í ljósi mismunandi kenninga og drepið er á nokkrum þekktum rannsóknum innan félagsvísinda.
Áhersla er lögð á að nemendur átti sig á og öðlist dýpri skilning á hugtökum sem voru kynnt í FÉLA1FS05 og setji þau í fræðilegra samhengi.
FÉLA1FS05
Nemandi skal hafa öðlast þekkingu og skilning á:
kenningum helstu frumkvöðla félagsfræðinnar
lagskiptingu í félagsfræðilegu samhengi
frávikum og afbrotum í félagsfræðilegu samhengi
samskiptum í félagslegu samhengi
kynhlutverkum og áhrifum þeirra á líf fólks
Nemandi skal hafa öðlast leikni í að:
beita gagnrýninni hugsun
beita sjálfstæðum og öguðum vinnubrögðum
beita félagsfræðikenningum til að skoða samfélagsleg málefni
nota kenningar í félagsfræði til að greina og beita þeim á ólík samfélög
tjá sig fyrir framan aðra
skrifa skýran og skilmerkilegan texta um afmarkað efni
Nemandi skal geta hagnýtt þá almennu þekkingu og leikni sem hann hefur aflað sér til að:
fjalla á gagnrýninn hátt um samfélagsleg málefni
efla jákvæða og uppbyggilega félags- og samskiptahæfni
vera meðvitaður og gagnrýninn á áhrif fyrirmynda og staðalmynda á eigin ímynd og lífstíl
skilja hlutverk kyns og kyngerfis í samfélaginu
þekkja eigin styrkleika og geta sett sér raunhæf markmið
Fjölbreytilegt námsmat með áherslu á símat, tíða endurgjöf og leiðsögn. Vinna nemenda í kennslustundum er metin, lögð eru fyrir einstaklings- og hópverkefni og stutt próf eftir atvikum. Munnlegt og skriflegt lokapróf.