Almenn líkams- og heilsurækt - Grunnþættir íþrótta
ÍÞRÓ1AÍ01(SB)
60
íþróttir
Almennar íþróttir
Samþykkt af skóla
1
1
SB
Áfanginn er verklegur. Nemendur fá alhliða hreyfireynslu með fjölbreytni að leiðarljósi. Lögð er áhersla á fjölbreytta upphitun, styrkjandi og liðkandi æfingar, auk alhliða þolþjálfunar og leikja. Nemendur taka líkamsástandspróf og læra að meta eigið líkamsástand. Nemendur fá að reyna sig við helstu íþróttagreinar sem stundaðar eru á Íslandi. Byggt er á þeim grunni sem skapast hefur í grunnskólanum. Samhliða verklegri útfærslu fræðast nemendur um íþróttir, líkamsrækt og heilsuvernd. Nemendur eru hvattir til að rækta líkama sinn sér til heilsubótar og ánægju
Nemandi skal hafa öðlast þekkingu og skilning á:
mikilvægi hreyfingar til eflingar heilsu
þol-, styrktar- og liðleikaþjálfun
mikilvægi upphitunar, réttri líkamsbeitingu og slökun
þjálfunarpúls
líkamsástandsprófum
undirstöðuatriðum helstu íþróttagreina sem stundaðar eru á Íslandi
mismunandi aðferðum til heilsuræktar
helstu reglum og öryggisatriðum varðandi líkamlegt álag
leiðum til að nýta líkams- og heilsurækt við daglegar athafnir
gildi samvinnu, umburðarlyndis og virðingar í leik, keppni og starfi
Nemandi skal hafa öðlast leikni í að:
framkvæma æfingar sem auka þol, styrk og liðleika
beita almennri og sérhæfðri upphitun íþróttagreina
nota rétta líkamsbeitingu við æfingar
fylgjast með þjálfunarpúls og ákefð við æfingar
framkvæma slökunaræfingar
taka tillit annarra og hvetja þá
Nemandi skal geta hagnýtt þá almennu þekkingu og leikni sem hann hefur aflað sér til að:
nýta sér upplýsingartækni við alhliða líkams- og heilsurækt
nýta sér stöðluð þrekpróf til að byggja upp eigið þrek og hreysti
stunda hreyfingu án mikils tilkostnaðar, t.d. að nýta sér náttúruna og umhverfið
sýna sjálfstæði, öryggi og velja sér hreyfingu við hæfi
sýna öðrum virðingu við leik, keppni, nám og störf
vinna að bættri heilsu í samvinnu við aðra
takast á við fjölbreytt verkefni sem reyna á líkamlegt, andlegt og félagslegt atgervi
styrkja jákvæða sjálfsmynd með þátttöku í leikjum, íþróttum, heilsurækt, dansi eða útiveru
Getur farið fram með margvíslegum hætti meðal annars með þolprófum, styrktarprófum, liðleikaprófum og boltaprófum. Einnig má meta mætingu og virkni nemenda til einkunnar