Áfanginn er verklegur. Meginviðfangsefni áfangans er fjölbreytt líkamsrækt í formi dansíþróttar Áhersla er lögð á jákvæð samskipti kynjanna. Áfanginn inniheldur mismunandi kynningarþætti, s.s. barnadansa, hringdansa, skottís, polka, marsa, kúrekadansa, cha-cha-cha, samba, jive, mambó og fleira skemmtilegt. Unnið er með atriði eins og samvinnu, tillitsemi og háttvísi. Nemendur eru hvattir til að rækta líkama sinn sér til heilsubótar og ánægju
Nemandi skal hafa öðlast þekkingu og skilning á:
tilgangi danslistarinnar sem ákveðnu tjáningar og hreyfingarformi
mikilvægi hreyfingar
fjölbreyttum dönsum
fjölbreyttum leikjum
gildi þess að geta dansað
taktvinnslu
leiðum til að nýta dans og leiki sér til heilsubótar og ánægju
gildi samvinnu, umburðarlyndis, virðingar í leik, námi og starfi
Nemandi skal hafa öðlast leikni í að:
dansa
iðka ýmsa leiki til að efla líkama og sál
fylgja takt við tónlist
tjá sig með hreyfingu
nota rétta líkamsbeitingu
vinna með öðrum að lausnum verkefna
taka tillit og hvetja aðra
Nemandi skal geta hagnýtt þá almennu þekkingu og leikni sem hann hefur aflað sér til að:
dansa og vera óhræddur við að læra nýja dansa
semja dansspor í takt við tónlist
stunda hreyfingu án mikils tilkostnaðar
sýna sjálfstæði, öryggi og velja hreyfingu við hæfi
sýna öðrum virðingu við leik, nám og störf
vinna að bættri heilsu í samvinnu við aðra
styrkja jákvæða sjálfsmynd með þátttöku í leikjum og dansi
Getur farið fram með margvíslegum hætti, meðal annars með dansprófum. Einnig má meta mætingu og virkni nemenda til einkunnar