Í þessum áfanga er mannskynssagan kynnt frá landbúnaðarbyltingu til frönsku byltingarinnar. Farið er yfir áhrifaþætti í mótun nútímans og hvernig menning fornaldar, trúarbrögð, stjórnarfar og aðrir þættir hafa áhrif á nútímann. Leitast er við að tengja saman efni, atburði og áhrif þeirra til að nemendur geri sér grein fyrir áhrifum þess sem á undan er farið á það sem er í dag.
Nemandi skal hafa öðlast þekkingu og skilning á:
hugtakinu menningu og þeim menningarlega bakgrunni sem nútimasamfélag byggir á
helstu tímaskeiðum sögunnar, upphafi þeirra og endi og einkennum þeirra
vinnubrögðum sagnfræðinnar
mikilvægi þess að lesa og greina söguna með gagnrýninni hugsun
helstu hugtökum sem þarf að þekkja til að tjá sig um söguna
Nemandi skal hafa öðlast leikni í að:
lesa texta og tileinka sér upplýsingar úr honum
tjá sig um söguna í riti á skipulegan hátt
afla sér upplýsinga og heimilda á skipulegan hátt
beita sjálfstæðum vinnubrögðum
Nemandi skal geta hagnýtt þá almennu þekkingu og leikni sem hann hefur aflað sér til að:
meta áhrif sögunnar á samfélagið sem við búum við í dag
nýta sér söguna til að vera virkur og ábyrgur þátttakandi í lýðræðissamfélagi
tjá sig á skýran og skilmerkilegan hátt í ræðu og riti
geta nýtt sér ólíkar heimildir og metið gildi þeirra
Lögð eru fyrir kaflapróf. Nemendur skrifa stutta heimildaritgerð um valið efni úr áfanganum og vinna einstaklings- og samvinnuverkefni. Lokapróf er í áfanganum.