Líf og menning í nýju landi, tungumál, þematengd verkefni
Samþykkt af skóla
3
5
Áfanginn tekur við af ERLE2ER05. Í þessum seinni áfanga er lögð áhersla á að nemendur vinni fyrst og fremst að verkefnum tengdu þema hverju sinni. Nemendur þurfa að ná góðu valdi á verkefnum og geta kynnt þau bæði skriflega og fyrir framan hóp af fólki. Þá þurfa nemendur að skipuleggja heimsóknir samstarfsskóla.
ERLE2ER05
Nemandi skal hafa öðlast þekkingu og skilning á:
viðfangsefnum tengdu þema verkefnis
mismunandi menningarheimum, venjum og siðum
algengustu orðum í daglegum samskiptum á tungumáli samstarfslanda
Nemandi skal hafa öðlast leikni í að:
greina frá sérhæfðum verkefnum í ræðu fyrir hópi af fólki sem og í riti
skipuleggja og undirbúa heimsóknir samstarfsaðila
vinna á fjölbreyttan máta með nútímasamskiptatækni
Nemandi skal geta hagnýtt þá almennu þekkingu og leikni sem hann hefur aflað sér til að:
afla sér upplýsinga um tiltekin málefni og geta miðlað þeim upplýsingum á skýran og greinargóðan hátt fyrir hóp af fólki
miðla upplýsingum á mismunandi vegu
Í áfanganum verður viðhaft símat. Það byggir á verkefnum sem eru unnin í tengslum við þema hverju sinni, kynningum og framsögu bæði heima og erlendis og vilja og virkni til þátttöku í sameiginlegum verkefnum. Þá verður tekið tillit til þess hvernig verkefni eru fram sett. Einnig verður lagt mat á frumkvæði og aðferðir við lausn á viðfangsefnum.