Áfanginn fer fram í formi fyrirlestra, umræðna, hópeflis, einstaklings- og hópverkefna. Áhersla er lögð á að efla heilsu nemenda með því að fjalla um heilbrigðan lífsstíl, forvarnir og mikilvægi góðs heilsulæsis. Kynntar verða forvarnir (1. stigs) sem tengjast hreyfingu, næringu, vímuefnum, svefni, streitu, kynfræðslu og andlegri heilsu. Áhersla er lögð á að nemendur viti hvað er góð líkamsbeiting, þol, styrkur og liðleiki og hvernig þjálfa má þá þætti til að efla heilsuna. Fjallað er um mikilvægi þess að lifa í uppbyggjandi umhverfi, bera ábyrgð á sjálfum sér og fjármálalæsi. Nemendur fá leiðsögn til efla sjálfstraust og núvitund. Unnið er með samskipti,virðingu, fordóma og mikilvægi réttlætis
Nemandi skal hafa öðlast þekkingu og skilning á:
hvað felst í hugtökunum heilsa, heilbrigði og forvarnir
mikilvægi hreyfingar og góðrar næringar
mikilvægi góðs sjálfstrausts, tjáningar og samskiptahæfni
hvað er kynheilbrigði og mikilvægi þess bera virðingu fyrir eigin líkama
skaðsemi reykinga, áfengis og vímuefna á líkamlega, andlega og félagslega heilsu
hvernig umhverfið og nærsamfélagið hefur áhrif á lífsgæði fólks
streitu, streituvöldum og streitulosandi aðferðum
núvitund og geðrækt
jafnréttishugtökum
Nemandi skal hafa öðlast leikni í að:
skoða og meta eigin heilsu,heilbrigði og velferð
beita líkamanum rétt og þekkja leiðir til að auka úthald sitt, styrk og liðleika
velja góða næringu sem eflir líkamann
að nýta sér fræðsluefni og rannsóknir til þess að viðhalda og/eða bæta eigin heilsu
efla félagsþroska sinn og eiga árangursrík samskipti við aðra óháð kyni, litarhætti, trúarbrögðum, kynhegðun, efnahag eða búsetu
sýna samkennd og tillitsemi
beita gagnrýnni hugsun og tjá eigin skoðanir
taka ígrundaðar ákvarðanir varðandi kynheilbrigði
framkvæma streitulosandi æfingar
forgangsraða – setja heilsuna í fyrsta sæti
Nemandi skal geta hagnýtt þá almennu þekkingu og leikni sem hann hefur aflað sér til að:
nýta heilsulæsi sitt til að efla og viðhalda góðri líkamlegri,andlegri og félagslegri heilsu
bera ábyrgð á sjálfum sér og auka sjálfstæði sitt
vera meðvitaður um eigin styrkleika
láta skoðanir sínar í ljós og hlusta á sjónarmið annarra
geta valið leiðir sem liggja í átt að góðri heilsu
vinna að forvörnum og heilsueflingu
eiga í árangursríkum samskiptum við aðra, geta til að mynda borið virðingu og umhyggju fyrir öðrum óháð kyni, litarhætti, trúarbrögðum, kynhegðun, efnahag og búsetu
skipuleggja fjármál sín af ábyrgð og hagsýni
Fjölbreytt verkefni sem eru metin jafnt og þétt yfir önnina. Dæmi um mat eru stutt kaflapróf, mat á umræðum, jafningjamat og sjálfsmat