Áfanginn er verklegur og miðar að því að nemendur fái almenna líkamlega hreyfingu og þjálfun á fjölbreyttan hátt. Leitast verður við að nemandi geti fundið sér hreyfingu við hæfi. Nemendur kynnast mismunandi hreyfingu og íþróttagreinum sem þeir geta stundað sem hluta af sínum lífsstíl í framtíðinni. Í áfanganum er lögð áhersla á verklega og fræðilega þætti upphitunar, þols, styrks og liðleika. Þá verða nemendum kynntar aðferðir við mælingar á þoli, styrk og liðleika.
Nemandi skal hafa öðlast þekkingu og skilning á:
helstu þjálfunaraðferðum
nauðsyn góðrar upphitunar
mun á almennri upphitun, sérhæfðri upphitun og óvirkri upphitun
leikreglum í helstu íþróttagreinum
mikilvægi þol-, styrktar- og liðleikaþjálfunar
Nemandi skal hafa öðlast leikni í að:
beita aðferðum við almenna og sérhæfða upphitun
stunda helstu íþróttagreinar
beita félagsfærni
beita mismunandi aðferðum til að mæla þol, styrk og liðleika
Nemandi skal geta hagnýtt þá almennu þekkingu og leikni sem hann hefur aflað sér til að:
geta séð um almenna og sérhæfða upphitun fyrir hóp
leysa af hendi verkefni, æfingar og leiki sem viðhalda og bæta þol, styrk og liðleika
viðhalda og/eða bæta líkamlega heilsu sem er metið með verkefnum, prófum og ástundun