Nemandi kynnist grunnatriðum almennrar bókmenntafræði og velur sér eitt eða fleiri meginviðfangsefni til að vinna með, t.d. skáldsögur, íslenskar spennusögur, vísindaskáldsögur, kvennabókmenntir o.fl. Einnig er t.d. hægt að velja barnabókmenntir, þjóðsögur, ljóð, leikrit, yndislestur, tiltekinn höfund, bókmenntir frá tilteknu landi eða heimshluta.
10 einingar í íslensku á hæfniþrepi 3
Nemandi skal hafa öðlast þekkingu og skilning á:
undirstöðuatriðum almennrar bókmenntafræði
gildi bókmennta fyrir menningu og samfélag
hvernig fjallað er um bókmenntir á vandaðan hátt
Nemandi skal hafa öðlast leikni í að:
fjalla um bókmenntir af víðsýni
greina álitamál sem fjallað er um í bókmenntum
vinna sjálfstætt að tilteknu viðfangsefni
kynna niðurstöður sínar í ræðu sem riti
Nemandi skal geta hagnýtt þá almennu þekkingu og leikni sem hann hefur aflað sér til að:
móta álit sitt eftir rækilegra skoðun á viðfangsefni og geta rökstutt það af yfirvegun
koma skoðunum sínum á framfæri á vandaðan hátt
virða ólíkar skoðanir og hlusta á sjónarmið annarra í álitamálum
Áhersla er á leiðsagnarmat við verkefnavinnu. Lokaverkefni er skilað bæði munnlega og skriflega.