Kynnt eru undirstöðuatriði í almennum málvísindum með hliðsjón af íslenskri málfræði og málfræði þeirra erlendu tungumála sem nemendur hafa lært. Nemendur velja sér rannsóknarverkefni, eitt eða fleiri, í samráði við kennarann. Þess skal gætt að viðfangsefnin hafi skírskotun til samtímans og umhverfis eins og unnt er. Dæmi um viðfangsefni gætu verið máltaka barna, tungutækni, mál í fjölmiðlum og þýðingar.
10 einingar í íslensku á hæfniþrepi 3
Nemandi skal hafa öðlast þekkingu og skilning á:
undirstöðuatriðum almennra málvísinda
helstu einkennum íslenskrar málfræði í samanburði við skyld mál sem nemendur hafa lært
meginbreytingum sem hafa átt sér stað í íslensku málkerfi frá upphafi ritaldar á Íslandi
Nemandi skal hafa öðlast leikni í að:
beita grunnhugtökum á fræðasviðinu
greina viðfangsefni niður í þætti
gæta nákvæmni í vinnubrögðum
draga ályktanir af gögnum
Nemandi skal geta hagnýtt þá almennu þekkingu og leikni sem hann hefur aflað sér til að:
setja fram niðurstöður sínar á vandaðan hátt
meta röksemdir af gagnrýni og yfirvegun
setja fram álitamál og hvernig megi nálgast niðurstöðu
afla sér gagna og upplýsinga af skilvirkni og samviskusemi
miðla þekkingu og upplýsingum á fjölbreytilegan hátt, s.s. í texta, myndmáli og mæltu máli
Áhersla er á leiðsagnarmat við verkefnavinnu. Lokaverkefni er skilað bæði munnlega og skriflega.