Í áfanganum er unnið með grunnhugtök kynjafræðinnar. Skoðuð eru helstu hugtök fræðigreinarinnar og birtingarmyndir þeirra í nútímasamfélagi. Lögð er áhersla á að tengja efni áfangans við daglegt líf nemenda.
INGA1HF05
Nemandi skal hafa öðlast þekkingu og skilning á:
hugtökum og kenningum í kynjafræði
orðræðu í samfélagi er varðar kyn og kyngervi
stöðu kvenna og karla í íslensku samfélagi fyrr og nú
mismunandi birtingarmyndum kynjanna í fjölmiðlum
kynbundnum viðhorfum samfélags til einstaklinga og áhrifum þeirra
áhrifum uppeldis á kyn- og sjálfsmynd
stöðu minnihlutahópa í samfélaginu
stjórnmálum, vinnumarkaði og lagasetningu í tengslum við jafnrétti
kynbundnu ofbeldi
Nemandi skal hafa öðlast leikni í að:
skoða veröldina út frá sjónarhóli kyns og kyngervis
nota hugtök kynjafræðinnar til að greina stöðu kvenna og karla í samfélaginu
tjá sig í ræðu og riti á skipulagðan og gagnrýninn hátt um málefni tengd kynjafræði
lesa fræðitexta í kynjafræðum
tengja kynjafræði við persónulega reynslu
rökræða með virkri hlustun og eigin tjáningu
Nemandi skal geta hagnýtt þá almennu þekkingu og leikni sem hann hefur aflað sér til að:
beita skipulögðum vinnubrögðum á gagnrýninn hátt við lausn verkefna
átta sig á þeim áhrifum sem kyn og kyngervi hefur á möguleika einstaklingsins í lífinu
átta sig á hvernig félagsleg staða fólks getur skapað mismunun og forréttindi tiltekinna hópa
vera gagnrýninn og ábyrgur þátttakandi í fjölmenningarsamfélagi
átta sig á hvernig hann hefur áhrif á umhverfið í kringum sig
Fjölbreytilegt námsmat með áherslu á símat, tíða endurgjöf, umræður og leiðsögn. Vinna nemenda í kennslustundum er metin, lögð eru fyrir einstaklings- og hópverkefni. Lokamat byggir á stærra verkefni nemenda.