Í áfanganum er fræðigreinin sálfræði kynnt fyrir nemendum, upphaf hennar og þróun. Fjallað er um helstu kenningar og fræðimenn og þær rannsóknaraðferðir sem notaðar eru í sálfræði. Grunnhugtök og sálfræðistefnur eru kynntar og grundvallarhugmyndir námssálfræðinnar. Einnig læra nemendur um mismunandi tegundir náms og minnisaðferðir.
INGA1HF05
Nemandi skal hafa öðlast þekkingu og skilning á:
þróun sálfræðinnar sem fræðigreinar
leiðum sálfræðinnar til að útskýra hugsun, hegðun og tilfinningar mannsins
helstu stefnum og rannsóknaraðferðum sálfræðinnar
helstu þáttum sem hafa áhrif á nám og minni fólks
því hvernig sálfræðin nýtist í daglegu lífi og sem meðferðarúrræði
Nemandi skal hafa öðlast leikni í að:
beita algengustu hugtökum sálfræðinnar á skýran og skilmerkilegan máta
lesa í og átta sig á umfjöllun um helstu hugmyndir sem hafa mótað sálfræðina
tjá sig um efnið á skipulagðan hátt munnlega og skriflega
lesa texta um efnið, tileinka sér upplýsingar um það og meta
Nemandi skal geta hagnýtt þá almennu þekkingu og leikni sem hann hefur aflað sér til að:
vera meðvitaður um hve margt getur haft áhrif á líðan og hegðun einstaklingsins
gera sér grein fyrir mótunaráhrifum umhverfis á sjálfan sig og aðra
gera sér grein fyrir samspili hegðunar, hugsunar og tilfinninga
tjá sig skipulega og gagnrýnið um efnið
geta tekið tillit til aðstæðna byggt á því sem hann hefur tileinkað sér í áfanganum
Vinna nemenda í kennslustundum er metin, lögð eru fyrir einstaklings- og hópverkefni. Kaflapróf og skriflegt lokapróf.