Í áfanganum er stjórnmálafræðin kynnt sem fræðigrein. Lögð er áhersla á að nemendur öðlist skilning á helstu hugtökum sem notuð eru í fræðigreininni og læri að greina helstu hugmyndastrauma stjórnmálanna. Helstu stjórnmálastefnur verða kynntar og greindar og fjallað sérstaklega um íslensk stjórnmál og stjórnmálaflokka.
INGA1HF05
Nemandi skal hafa öðlast þekkingu og skilning á:
helstu viðfangsefnum stjórnmálafræðinnar
helstu hugtökum stjórnmálafræðinnar: Þjóðernisstefnu, stjórnkerfi, valdi, fullveldi, mannréttindum og lýðræði
helstu hugmyndakerfum stjórnmálanna (róttækni, frjálslyndi, íhaldsstefnu, afturhaldsstefnu, stjórnleysisstefnu og femínisma)
aðferðum stjórnkerfa og stjórnmálastefna við lausn samfélagslegra viðfangsefna
íslenska stjórnkerfinu og þróun íslenskra stjórnmála
Nemandi skal hafa öðlast leikni í að:
beita hugtökum stjórnmálafræðinnar á raunveruleg viðfangsefni hér á landi og erlendis
greina á milli og meta ólíkar kenningar um stjórnkerfi og hugmyndastefnur
afla upplýsinga sem tengjast íslenskum stjórnmálaflokkum, greina þær og setja í fræðilegt samhengi
Nemandi skal geta hagnýtt þá almennu þekkingu og leikni sem hann hefur aflað sér til að:
útskýra hvernig stjórnmál hafa áhrif á líf hans og aðstæður
taka þátt í rökræðum um samfélagsleg álitamál er tengjast stjórnmálum
finna og nota upplýsingar um stjórnmál hér á landi og erlendis