Viðfangsefni áfangans er íslenskar bókmenntir frá siðaskiptum fram á 20. öld. Lesin er skáldsaga tengd tímabilinu og farið í valda texta, ljóð, laust mál og þjóðsögur. Áhersla er lögð á túlkun texta og skilning á því samfélagi sem þeir eru sprottnir úr. Í áfanganum eru unnin heimildaverkefni.
ÍSLE2MO05 (ÍSL2B05)
Nemandi skal hafa öðlast þekkingu og skilning á:
verkum valinna höfunda frá tímabilinu.
meginlínum í bókmenntasögu tímabilsins.
íslensku samfélagi og þeim hugmyndum sem verkin spretta úr.
grunnhugtökum í bókmenntafræði.
einkennum þjóðsagna.
Nemandi skal hafa öðlast leikni í að:
lesa langa skáldsögu og fjalla um inntak hennar.
lesa margvíslega texta frá tímabilinu.
greina ljóð og texta með bókmenntahugtökum.
flytja bókmenntatexta og verkefni.
tjá sig um bókmenntir tímabilsins.
skrifa læsilegan texta um mismunandi gerðir íslenskra bókmennta.
vinna heimildaverkefni.
Nemandi skal geta hagnýtt þá almennu þekkingu og leikni sem hann hefur aflað sér til að:
lesa stórt bókmenntaverk og öðlast yfirsýn yfir það sem metið er með prófum, kynningum, umræðum og verkefnum.
túlka bókmenntatexta og tengja þá bókmenntasögu og samfélagi tímabilsins sem metið er með umræðum, prófum og verkefnum.
velja, afmarka og skrifa heimildaritgerð um efni áfangans.
vinna á skapandi hátt með bókmenntir sem metið er með fjölbreyttum verkefnum.
vinna í hóp sem metið er í hópverkefnum.
tjá sig á skýru og góðu máli í ræðu og riti sem metið er með umræðum, kynningum og verkefnum.
tengja efni áfangans samtíð sinni sem metið er með umræðum, prófum og verkefnum.
Krossapróf, ritunarverkefni, heimildaritgerð, flutningur verkefna, umræður og hefðbundin skrifleg próf. Auk þess er jafningjamat og sjálfsmat notað.