Viðfangsefni áfangans er stjörnuhiminninn og þau fyrirbæri sem þar finnast. Efnisatriði eru: stjörnuathuganir, stjörnuhiminninn, stjörnuhnit, tímatalskerfi, birtustig, innri gerð sólarinnar, ævi sólstjarna, HR-graf, stjörnuleifar, vetrarbrautir, rauðvik, heimsfræði og Miklihvellur
STÆR2AH05 eða STÆR2AR05
Nemandi skal hafa öðlast þekkingu og skilning á:
innri gerð og þróun sólstjarna
grunnþáttum stjörnuathugana
grunnstoðum heimsfræðinnar
eiginleikum vetrarbrauta
ólíkum stjörnuleifum og eiginleikum þeirra
upphafi og mögulegum endalokum alheimsins
samsetningu alheimsins (hulduefni og hulduorku)
Nemandi skal hafa öðlast leikni í að:
finna stað á hvelfingunni út frá stjörnuhniti
mæla stjörnuhnit stjörnu
finna hágöngu- og lággönguhæð stjörnu
finna dagsetningu hágönguhæðar
reikna raunbirtu út frá sýndarbirtu
Nemandi skal geta hagnýtt þá almennu þekkingu og leikni sem hann hefur aflað sér til að:
sýna sjálfstæð og öguð vinnubrögð í upplýsingaöflun, mati, úrvinnslu og framsetningu
mynda sér heildstæða sýn á heimsmynd nútímans
stunda stjörnuathuganir með litlum stjörnusjónauka
Eftirfarandi aðferðir til námsmats koma til greina: Skriflegt eða munnlegt lokapróf, skrifleg eða munnleg hlutapróf á önninni, þátttaka og frammistaða í umræðuhópum með kennaramati, sjálfsmati og/eða jafningjamati, skiladæmi, nemendaritgerðir, nemendafyrirlestrar með kennaramati, sjálfsmati og/eða jafningjamati, hópverkefni í tíma og hópverkefni utan tíma