Það kom upp villa senda inn  Áfangi

    Áfangi Nánari upplýsingar


    Búið til: 1428935909.63

    Inngangur að sögu
    SAGA2HÍ05
    50
    saga
    Heimsaga, Íslandsaga
    Samþykkt af skóla
    2
    5
    SB
    Áfanginn er inngangsáfangi í sögu á öðru þrepi og er skylda á Félagsvísindabraut. Nauðsynlegur undanfari fyrir alla aðra söguáfanga hvort sem þeir eru á öðru eða þriðja stigi. Viðfangsefnið eru þættir úr sögu heimsins og Íslands til okkar daga. Skoðaðir verða helstu stóratburðir tímabilsins en jafnframt leitast við að öðlast innsýn í daglegt líf almennings á Íslandi eða í Evrópu. Leitast er við í áfanganum að uppfylla grunnþætti menntunar og að nemendur geti lesið fræðitexta um sitt nánasta samfélag og sögu þess. Þá fá nemendur innsýn í mikilvægi sjálfbærni, sögu heilbrigðis og velferðar í íslensku samfélagi. Nemendur öðlist færni og skilning á hugtökum á borð við lýðræði og mannréttindi. Fjallað verður um jafnréttisbaráttu kvenna á Íslandi. Nemendur þjálfa sig í sköpun með ýmsum verkefnum
    Nemandi skal hafa öðlast þekkingu og skilning á:
    • þróun íslensks samfélags frá 1800 til 2000
    • áhrifum frönsku byltingarinnar og frelsisstríðs BNA á stjórnmálaþróun á 19. öld
    • breytingum sem hafa orðið á hugmyndum um þjóðríkið á tímabilinu
    • ástæðum og áhrifum sjálfstæðisbaráttu Íslendinga
    • ástæðum og afleiðingum heimstyrjaldanna tveggja bæði á Íslands- og mannkynssöguna
    • hugmyndum íhaldsstefnunnar, frjálslyndisstefnunnar og sósíalismans
    • orsökum og afleiðingum stofnunar Sovétríkjanna
    • orsökum og afleiðingum Kalda stríðsins
    • atvinnusögu Íslendinga og stéttabaráttu á 19. og 20. öld
    Nemandi skal hafa öðlast leikni í að:
    • vinna með staðreyndir og kenningar
    • beita grundvallarvinnubrögðum í heimildarýni og heimildaleit
    • temja sér öguð vinnubrögð og nota ýmsar aðferðir til að leysa verkefni sín
    Nemandi skal geta hagnýtt þá almennu þekkingu og leikni sem hann hefur aflað sér til að:
    • setja fram skoðanir sínar í riti, ræðu eða öðru formi
    • geta borið saman atburði og finna orsakasambönd á milli þeirra
    • geta tekið þátt í umræðum um efnisþætti áfangans og færa rök fyrir skoðunum sínum
    Námsmat áfangans er fjölþætt. Það samanstendur af ýmsum verkefnum, ritgerðum og prófum. Þá er einnig leitast við að meta umræður nemenda um söguleg málefni og afleiðingar atburða