Áfanginn er kynning á sálfræði, nokkrum helstu undirgreinum hennar og aðferðum sálfræðinnar. Setja skal efni og aðferðir í samhengi við nútíma samfélag bæði það sem er að gerast innan sálfræðinnar og sýna hvernig sálfræðin kemur daglegu lífi við. Undirgreinar sem kynna má eru hugfræði, atferlisfræði, lífeðlisleg sálfræði, persónuleikasálfræði, félagssálfræði, þroskasálfræði, afbrigðasálfræði, dularsálfræði, tilraunasálfræði. Nemendur skulu kynnast fræðilegum og hagnýtum aðferðum sálfræðinnar; aðferðum við rannsóknir, skrifum og birtingu rannsóknarskýrslna, sálfræðimeðferð og –ráðgjöf og hvernig einstaklingur getur beitt aðferðum sálfræðinnar fyrir sjálfan sig
Nemendur hafi lokið 30 einingum í framhaldsskóla sem samsvarar u.þ.b. einni önn
Nemandi skal hafa öðlast þekkingu og skilning á:
á nokkrum helstu nútíma kenningum og hugtökum í sálfræði
Nemandi skal hafa öðlast leikni í að:
lesa sálfræðitexta
ræða sálfræði
beita aðferðafræði sálfræðinnar
bera saman hugtök og kenningar
Nemandi skal geta hagnýtt þá almennu þekkingu og leikni sem hann hefur aflað sér til að:
til að setja sálfræði í samhengi við einkalíf samfélag og fræðilegt starf
tjá sig skipulega í ræðu og riti og tekið þátt í umræðum um sálfræði
Skal vera fjölbreytt og skal reyna á þekkingu á sálfræðikenningum og leikni í aðferðum sálfræðinnar