Að námi loknu geta nemendur undirbúið og soðið MAG-suðu á stáli á eigin spýtur þar sem notaðir eru gegnheilir og duftfylltir vírar. Þeir geta soðið efnisþykktir 8 - 12 mm í stáli samkvæmt gæðaflokki C (ÍST EN 25817) í plötu í opinni V-rauf, gegnumsoðið frá annari hlið í suðustöðum PA, PC og PF, soðið rör í láréttri og lóðréttri stöðu og PD-FW. Þeir geta skipulagt suðuverkefni m.t.t. krafna um gæði, öryggi og umhverfi. Nemendur geta soðið eftir suðuferlislýsingum. Þeir öðlast þekkingu á afköstum og hagkvæmni mismunandi suðuvíra og aðferða.
XXX (MAG1A05/TIG1A05)
Nemandi skal hafa öðlast þekkingu og skilning á:
suðuferlislýsingum og gildi þeirra.
áhrifum mismunandi skögunar vírs á straumstyrk, afköst og innbræðslu.
hlutverki duftsins í duftfylltum vírum.
helstu gerðum af suðuraufum og notkun bakleggs.
eiginleikum, flokkun og meðferð duftfylltra víra.
gastegundum og gasblöndum sem notaðar eru við suðu á stáli, hlutverki hlífðargassins og réttum stillingum á gasflæði.
eiginleikum úðaboga- og stuttbogasuðu.
búnaði til hitameðhöndlunar.
stöðlum um forhitun stáls þeim þáttum sem hafa áhrif á kólnunarhraða.
helstu suðugöllum, sérstaklega þeim sem algengir eru í þykkum efnum.
Nemandi skal hafa öðlast leikni í að:
sjóða í suðustöðum PA-BW, PA-FW, PB-FW, PF-BW, PF-FW, PC-BW og PD-FW
sjónmeta algengustu suðugalla og orsakir þeirra.
sjóða eftir suðuferlislýsingum.
meta með aðstoð handbóka hvenær þörf er forhitun stáls fyrir suðu.
sjóða rör í plötu.
Nemandi skal geta hagnýtt þá almennu þekkingu og leikni sem hann hefur aflað sér til að:
mæla og skrá viðeigandi upplýsingar varðandi suðuverkefnið, s.s.forhitunarstig, raufarstærð og aðrar upplýsingar fyrir suðuferlislýsingar.
velja vír m.t.t. efnis og suðuraufar.
gegnumsjóða 12 mm stálplötu öðru megin frá í PC- og PF-stöðu.
nota handbækur og töflur við vinnu sína.
Námsmat byggir á verkefnavinnu og prófum. Leitast er við að beita aðferðum leiðsagnarmats.