Það kom upp villa senda inn  Áfangi

    Áfangi Nánari upplýsingar


    Búið til: 1429110456.61

    Sérteikning blikksmiða
    SÉRB3FT05
    1
    Sérteikning blikksmiða
    Framhaldsáfangi í teiknifræðum
    Samþykkt af skóla
    3
    5
    Áfanginn er framhaldsáfangi í teiknifræðum og öðlast nemendur frekari þjálfun í lestri og gerð fagteikninga samkvæmt gildandi stöðlum, reglum og reglugerðum sem gilda fyrir fagteikningar í blikksmíði. Að áfanganum loknum skulu nemendur vera einfærir um að lesa og vinna eftir teikningum á vinnustað. Jafnframt skulu þeir vera einfærir um að teikna og útfæra smíða- og lagnateikningar fyrir einstök verkefni. Nemendur hljóta þjálfun í að nota handbækur og efni á netinu.
    GRUN1FY05, IÐNT2MI05 (GRT2A05/ITM2A05)
    Nemandi skal hafa öðlast þekkingu og skilning á:
    • stöðlum, merkingum og táknum sem sérkenna fagteikningar blikksmiða.
    • teikniaðferðum til að gera útflatninga af margbrotnum tengistykkjum.
    • þeim aðferðum sem notaðar eru við samsetningu stokka og tengistykkja.
    • tvívíðum og þrívíðum hnitakerfum.
    • ísómetrískum teikniaðferðum.
    • handbókum sem notaðar eru við gerð útflatningateikninga.
    Nemandi skal hafa öðlast leikni í að:
    • teikna útflatninga af ýmsum hlutum, t.d loftræstikerfum.
    • smíða eftir teikningum.
    • taka mál og smíða stykki á verkstæði eftir þeim málum sem hann tekur.
    Nemandi skal geta hagnýtt þá almennu þekkingu og leikni sem hann hefur aflað sér til að:
    • lesa teikningar loftræstihönnuða.
    • teiknað vinnuteikningar af einstökum og samsettum smíðahlutum eftir samsettri heildarteikningu.
    • teiknað vinnuteikningar af einstökum og samsettum smíðahlutum eftir uppmælingu og skissu.
    • teiknað samsetta útflatninga úr grunnformum, t.d. sívalningum, strendingum og pýramídum.
    • notað handbækur við teikningu flókinna útflatninga.
    Námsmat byggir á verkefnavinnu, bæði á verkstæði og heima. Kostir leiðsagnarmats eru nýttir.