Áfanginn leggur áherslu á jarðfræði Íslands. Fjallað er m.a. um innræn og útræn öfl, innri gerð jarðar, flekarek og heita reiti, eldvirkni og jarðskjálfta, flokkun bergs og steinda, eldstöðva og hrauna. Auk þess er fjallað um vötn og jökla, veðrun og rof ásamt fleiru.
Engar
Nemandi skal hafa öðlast þekkingu og skilning á:
hugtökum, aðferðum og kenningum jarðfræðinnar
sérstöðu jarðfræði Íslands
samspili innrænna og útrænna afla og hvernig þekkja má ummerki eftir þau
innri gerð jarðar og flekareki
eldvirkni og jarðskjálftum á Íslandi
flokkun bergs og steinda
flokkun eldstöðva og hrauna
helstu roföflum
Nemandi skal hafa öðlast leikni í að:
beita hugtökum og kenningum á skilmerkilegan hátt og í rökréttu samhengi
greina ummerki innrænna og útrænna afla
greina berg og steindir
lesa vísindagreinar og fræðibækur og nýta upplýsingatækni sér til gagns
Nemandi skal geta hagnýtt þá almennu þekkingu og leikni sem hann hefur aflað sér til að:
nýta sér orðaforða og skilning á jarðfræði Íslands og vera þannig fær um að taka þátt í almennri umræðu um t.d. eldgos, jarðskjálfta og önnur jarðfræðihugtök.
mynda sér skoðun á notagildi jarðfræðilegrar þekkingar og mikilvægi hennar til skilnings á umhverfinu
yfirfæra þessa vísindalegu þekkingu og leikni á aðrar námsgreinar