Í áfanganum öðlast nemendur enn frekari færni í tæknilegum útreikningum sem notaðir eru við smíði á flóknum hlutum. Nemendur verða færir um að vinna sjálfstætt og geta unnið flókna smíðisgripi eftir teikningum. Þeir geta sótt sér upplýsingar varðandi vinnu sína á netinu. Nemendur skrifa greinargóðar verklýsingar fyrir stykki sem þeir hafa smíðað og fyrir aðra hluti sem þeir gætu þurft að smíða síðar.
RENN3TÚ05 (REN3A05)
Nemandi skal hafa öðlast þekkingu og skilning á:
gerð verkáætlana fyrir tiltekin smíða- eða viðgerðarverkefni.
skilgreiningum á verkefnum.
gagnaöflun.
vinnsluröð (beiting rökhugsunar og flæðirita).
Nemandi skal hafa öðlast leikni í að:
nýta töflubækur, viðgerðarhandbækur og almennar leiðbeiningar um það verk sem á að vinna.
finna upplýsingar og annað skrifað efni um tiltekið verkefni.
velja smíðaefni og verkfæri sem henta hverju sinni.
velja vinnsluaðferðir fyrir hvert verkefni.
hanna verkferla ef um endurtekin verk er að ræða.
Nemandi skal geta hagnýtt þá almennu þekkingu og leikni sem hann hefur aflað sér til að:
skilgreina verkefni með tilliti til verkferla og smíðakrafna.
nota töflubækur til að smíða samkvæmt stöðlum.
vinna samkvæmt verkáætlun.
velja harðmálmsverkfæri ásamt radíal, færslu og skurðarhraða.
velja rétt verkfæri sem henta hverju sinni.
renna og fræsa mismunandi yfirborð m.t.t. áferðarmerkinga.
þekkja vinnubrögð við rennsli og fræsingu á flóknum smíðisgripum.
Skrifa og vinna eftir verklýsingum.
Verkefnavinna og próf. Leiðsagnarmat er notað eftir því sem kostur er.