Nemendur kunna skil á helstu suðuaðferðum, efni og suðuvírum. Þeir geta metið aðstæður til rafsuðu og er ljóst hvernig gæta ber fyllsta öryggis við rafsuðu. Nemendur eru færir um að sjóða plötur í öllum suðustöðum (kverksuður) með pinnasuðu, samkvæmt staðlinum ÍST EN 287-1 (flokkur C). Færni miðast við kverksuðu og grunnatriði suðuferlis. Nemendur geta skráð grunnatriði suðuferlislýsingar. Þeir skulu ná suðugæðum í flokki C samkvæmt ÍST EN 287-1.
Engar
Nemandi skal hafa öðlast þekkingu og skilning á:
helstu suðuaðferðum, afköstum þeirra, hagkvæmni og takmörkunum við mismunandi efnisþykktir og aðstæður (úti og inni).
eiginleikum mismunandi suða, s.s. styrk þeirra og hættu á suðugöllum.
mun á suðu með rið- og jafnstraum.
gildi ljósbogaspennu og tómgangsspennu.
staðli um mat á suðum og suðugöllum.
staðli um suðustöður og um hæfnisvottun suðumanna.
staðli um merkingu rafsuðuvíra.
staðli um merkingu stáls, t.d. ÍST EN 22 553 .
bruna og sprengihættu, reykflokkun rafsuðuvíra og mikilvægi góðrar loftæstingar.
mismunandi uppbyggingu stáls m.t.t suðuhæfni.
framleiðslu hrájárns og stáls.
muninum á óþéttu, þéttu og hálfþéttu stáli.
grunnatriðum í málmfræði stáls.
Nemandi skal hafa öðlast leikni í að:
grunnatriðum í málmfræði stáls.stilla upp og sjóða samkvæmt ferillýsingu.
sjóða kverksuður í PB, PF og PG suðustöðum.
stilla suðuvél og velja víra samkvæmt suðuferlum.
Nemandi skal geta hagnýtt þá almennu þekkingu og leikni sem hann hefur aflað sér til að:
fylgja eftir munnlegum og skriflegum fyrirmælum.
sjónmeta suður samkvæmt staðli ÍST EN 287-1.
mæla mál suðu.
túlka staðlaðar merkingar pinnasuðuvíra.
meta slysa- og brunahættu vegna vinnu sinnar.
finna í handbókum og á netinu upplýsingar um mismunandi efniseiginleika stáls m.t.t. suðuhæfni.
meta hvort ástæða sé til að beyta hitameðferð m.t.t. kolefnisjöfnunar.
Námsmat byggir á verkefnavinnu og prófum þar sem leiðsagnarmat er nýtt eins og kostur er.