Áfanginn er ætlaður þeim sem ná ekki tilskildum árangri í stærðfræði í grunnskóla sem undirbúningur fyrir framhaldskólastærðfræði. Hann er kenndur sem hlítarnám og lögð er áhersla á einstaklingsbundið nám þar sem nemendur geta klárað námsefnið á eigin hraða. Í áfanganum er farið yfir talnareikning, algebru og rúmfræði. Enginn munur er á þessum áfanga og STÆR1AR05 annar sá að þeir eru kenndir sinn á hvorri önninni.
Nemandi skal hafa öðlast þekkingu og skilning á:
talnamengjum og talnareikningi
veldum og rótum
frumtölum og frumþáttun
almennum brotum
prósentum
algebrustæðum
algebrujöfnum
hnitakerfi
flatar-, um- og rúmmáli
hornafræði
Nemandi skal hafa öðlast leikni í að:
nota reikniaðgerðir án reiknivélar, bæði á heilar tölur og almenn brot
reikna og einfalda veldi og rætur
frumþátta samsettar tölur
túlka hlutfall með prósentum
einfalda algebrustæður og leysa og umrita jöfnur
fást við einfalda rúmfræði í hnitakerfi myndrænt
reikna stærðir í rúmfræði útfrá formúlum og geta umritað þær
finna óþekkt horn þríhyrninga útfrá hornasummum, nota pýþagórasarreglu, einslögun og hornaföll í þríhyrningum.
Nemandi skal geta hagnýtt þá almennu þekkingu og leikni sem hann hefur aflað sér til að:
skrá lausnir sínar skipulega, skiptast á skoðunum við aðra um þær og útskýra hugmyndir sínar og verk skilmerkilega á viðeigandi hátt
takast á við nám í stærðfræði á 2. þrepi
Próf í lok hvers efnisþáttar. Nemandi telst hafa lokið áfanganum ef hann fær að lágmarki einkunnina 7 fyrir hvern efnisþátt.