Áfanginn byggir á að nemendur öðlist þekkingu og færni á hinum almenna vinnumarkaði. Nemendur sem eru í starfi, meðfram námi, hafa tök á að sækja þennan áfanga. Áfanginn byggir á vinnuframlagi nemandans á vinnustað og verkefnum sem tengjast vinnumarkaði sem og reglulegum dagbókarskrifum. Skólinn hefur frumkvæði að því að koma á þríhliða samkomulagi nemanda, vinnustaðar og skóla um framkvæmd og tilhögun áfangans.
Nemandi skal hafa öðlast þekkingu og skilning á:
umhverfi vinnumarkaðarins
þeim kröfum sem gerðar eru á vinnumarkaði
samskiptum við yfirmenn sína og hlutverkum þeirra
aukinni hæfni í starfi sínu
lífeyrissjóðum
mikilvægum öryggisreglum og aðbúnaði
upplýsingum á launaseðli
kjarasamningum
stéttarfélagi
hlutverkum yfirmanna
rétti sínum á vinnumarkaði
trúnaðarmanni og hluverkum hans
Nemandi skal hafa öðlast leikni í að:
átta sig á þeim kröfum sem gerðar eru á vinnumarkaði
greina samskipti við yfirmenn sína og hlutverk þeirra
greina hlutverk lífeyrissjóða
þekkja mikilvægi öryggisreglna og greina nauðsynlegan aðbúnað
lesa launaseðil
lesa kjarasamning
þekkja rétt sinn á vinnumarkaði
þekkja lögbundin hlutverk atvinnurekandans gagnvart starfsfólki
Nemandi skal geta hagnýtt þá almennu þekkingu og leikni sem hann hefur aflað sér til að:
lesa aðstæður á vinnumarkaði
hafa grunnþekkingu á sínum réttindum og skyldum á vinnumarkaði
öðlast metnað til að standa sig vel í sínu starfi
geta greint sinn launaseðil
þekkja hlutverk síns stéttarfélags og hvað felst í kjarasamningi
þekkja hlutverk og skyldur yfirmanna, trúnaðarmanna, öryggistrúnaðarmanna og fleiri lykilpersóna á sínum vinnustað
Dagbókarskil á tveggja vikna fresti alla önnina auk skriflegra verkefna sem skal skila þrisvar sinnum. Ekki er mæting í kennslustundir en viðtöl á milli nemanda og kennara eiga sér stað þrisvar sinnum yfir önnina og fer eitt þeirra fram á vinnustað nemenda. Einnig þarf að skila starfsvottorði, undirskrift vinnuveitanda og klára VR-skóla lífsins á heimasíðu hans.