Áfanginn er fjallamennskuáfangi, þar sem kenndir eru fjölmargir undirstöðuþættir tengdir fjallamennsku og gönguferðum hvort heldur sem er að sumri eða vetri. Farið er yfir skipulag ferða, undirbúning og almenn öryggisatriði. Helsti búnaður til gönguferða og klifurs er kynntur og grunnatriði æfð í notkun og meðferð hans. Nemandinn kynnist hópstarfi og hópstjórnun og viðurkenndum leiðum til að ná bættum árangri í vinnu með hópi fólks. Lögð er áhersla á að kynna þá fjölbreyttu möguleika til útivistar og náttúruskoðunar sem eru nærtæk og í boði og mynda tengsl við fyrirtæki, félagsskap og stofnanir í nærumhverfinu.
Nemandi skal hafa öðlast þekkingu og skilning á:
grunnþáttum varðandi skipulag ferða
búnaði til fjallamennsku og tjaldferða
aðhlynningu í lengri ferðum
nauðsynlegum öryggisbúnaði
eigin styrkleika og takmörkunum
mismunandi aðstæðum
mikilvægi hópstjórnunar
tækifærum til fjallamennsku og hollrar útivistar í nærumhverfi sínu
Nemandi skal hafa öðlast leikni í að:
greina helstu þætti við skipulag og undirbúning ferða
rata með hjálp áttavita
huga vel að sjálfum sér og öðrum í lengri tjaldferðum
velja staði til að þvera straumvatn
nota algengasta búnað og helstu hnúta við sig og klifur
velja klifurleið við hæfi og meta hvaða búnað þarf
meta aðstæður úti í íslenskri náttúru
finna samstarfsaðila og tengiliði í nærumhverfi sínu
Nemandi skal geta hagnýtt þá almennu þekkingu og leikni sem hann hefur aflað sér til að:
útbúa raunhæfa ferðaáætlun fyrir styttri ferðir
rata af öryggi með hjálp áttavita
geta tekið ákvarðanir miðað við staðhætti og aðstæður
velja og nota viðeigandi búnað á hverjum stað
taka ákvarðanir í samráði við hóp ferðafélaga
velja heppilegasta samstarfsaðila eða tengilið í nærumhverfi sínu
undirbúa, fara í, skrá og meta eigin ferð
Símat þar sem verkefni, frammistaða í ferðum og önnur viðfangsefni verða metin jafnt og þétt yfir önnina. Leiðsagnarmat þar sem áhersla er lögð á að umsagnir og eftirfylgni í framhaldinu leiði nemandann áfram. Engin skrifleg lokapróf.