Í áfanganum er fjallað um hlutverk og ábyrgð þeirra sem starfa á vettvangi frítímans og tengsl þeirra við aðrar starfsstéttir á sama vettvangi. Fjallað er um hlutverk leiðtoga og stjórnenda í frístundastarfi. Nemendur kynnast kenningum um hópastarf og félagsmótun þar sem lögð er áhersla á samskipti innan hópa og hvaða áhrif hópar hafa á einstaklinga. Kynnt er hugmyndafræði jafningjastarfs og lýðræðislegra vinnubragða. Nemandi lærir grunnatriði í verkefnastjórnun, markmiðasetningu og tímastjórnun. Nemendur fá innsýn í þær aðferðir sem notaðar eru til að fá mismunandi stofnanir/hópa innan hverfis/sveitarfélags til að vinna saman að ákveðnum málum, s.s. forvörnum, útivistarátaki og hverfahátíðum.
Nemandi skal hafa öðlast þekkingu og skilning á:
hlutverki og ábyrgð starfsfólks í frístundastarfi
kenningum um hópastarf og félagsmótun.
helstu hugtökum og markmiðum siðfræðinnar og hvernig þau tengjast hlutverki og ábyrgð starfsfólks í frístundastarfi.
eiginleikum og hlutverki leiðtoga og stjórnenda í frístundastarfi.
lýðræðislegum starfsháttum.
grunnatriðum verkefna- og tímastjórnunar.
gerð áætlana fyrir frístundastarf.
hugmyndafræði íbúasamstarfs.
mikilvægi þess að þekkja bæði styrkleika og veikleika sína í vinnu við verkefni í frístundastarfi.
hlutverki leiðtoga og stjórnenda í frístundastarfi.
Nemandi skal hafa öðlast leikni í að:
hafa áhrif á samskipti innan hópa.
koma jákvæðum boðskap inn í hópastarf.
afla upplýsinga um starf sitt og verkefni sem unnið er að.
búa til flæðirit til verkefnastjórnunar.
nota algengar aðferðir til tímastjórnunar.
afla upplýsinga um þarfir mismunandi hópa fyrir frístundastarf.
gera áætlanir um þemaverkefni og annað frístundastarf fyrir mismunandi hópa fólks.
kynna verkefni í frístundastarfi.
semja markmið fyrir mismunandi verkefni og hópa á vettvangi frítímans.
setja upp einfalda fjárhagsáætlun fyrir verkefni í frístundastarfi.
Nemandi skal geta hagnýtt þá almennu þekkingu og leikni sem hann hefur aflað sér til að:
afla upplýsinga um félagsstarf í frítíma á ákveðnu svæði og koma með hugmyndir að nýjum verkefnum í samráði við hagsmunaaðila sem metið er með hópaverkefni, kynningu og umræðum.
búa til raunhæfa áætlun um verkefni í frístundastarfi sem ætlað er fyrir tiltekinn hóp fólks sem metið er með skriflegri áætlun og kynningu.
kynna frístundastarf bæði fyrir hugsanlegum samstarfsaðilum og þátttakendum sem metið er með skriflegri áætlun, leiðsagnamati og kynningu
vinna þemaverkefni eða annað frístundastarf sem ætlað er fyrir tiltekinn hóp fólks sem metið er með hópavinnu, skýrslu og kynningu
leiða saman mismunandi einstaklinga, hópa og stofnanir til að starfa saman að ákveðnum verkefnum fyrir frístundastarf sem metið er með kynningu, verkefni og umræðum.
skýra hlutverk og ábyrgð starfsfólks í frístundastarfi og tengsl þess við aðrar starfsstéttir á sama sviði sem metið er með leiðsagnarmati og verkefni.
nota styrkleika sína í vinnu við verkefni í frístundastarfi sem metið er með sjálfsmati og verkefni.
beita grunnatriðum í verkefnastjórnun, markmiðasetningu og tímastjórnun sem metið er með verkefni.
Námsmat er byggt á, einstaklingsverkefnum, hópverkefnum, kynningum og skýrslum. Lögð er áhersla á hagnýt og raunveruleg verkefni. Hluti námsmatsins byggir á umræðum, leiðsagnarmati og jafningjamati.