Viðfangsefni áfangans eru föll: Veldisföll, vísisföll, lograföll, andhverf föll, margliðuföll, ræð föll, samskeytt föll, eintæk-, átæk- og gagntæk föll.
Markgildi og afleiður: Markgildishugtakið, skilgreining á afleiðu falls og helstu reiknireglur. Afleiður veldisfalla, vísisfalla, lografalla og hornafalla. Samfeldni, aðfellur, hagnýting afleiðu við könnun falla.
STÆR2MM05
Nemandi skal hafa öðlast þekkingu og skilning á:
föllum, veldisföllum, vísisföllum, lograföllum og hornaföllum
ýmsum formúlum og sönnunum þeirra
samskeytingu falla og andhverfu falls
markgildum falla og samfeldnihugtakinu
helstu tegundum aðfellna
skilgreiningu á afleiðu
helstu reiknireglum afleiðu
afleiðum falla og hvaða upplýsingar afleiða falls gefur um feril þess
Nemandi skal hafa öðlast leikni í að:
að takast á við margbreytileg viðfangsefni stærðfræðinnar og horfa á viðfangsefni út frá ólíkum sjónarhornum
tengja eldri þekkingu við nýja þekkingu
varpa ljósi á verkefni með góðum skýringarmyndum þegar það á við og segja „sögu“ verkefnis frá upphafi til enda
beita táknmáli stærðfræðinnar
tjá sig um niðurstöður á skilmerkilegu máli
skilja sannanir og fylgja röksemdafærslu
vinna með vísis- og lograföll með mismunandi grunntölu
nota markgildi og skilgreiningu á afleiðu falls
finna afleiður falla og nota við könnun þeirra
teikna gröf falla og kanna samfeldni
Nemandi skal geta hagnýtt þá almennu þekkingu og leikni sem hann hefur aflað sér til að:
rökstyðja aðferðir og hugsanaferli með skýrum hætti
beita voldugu táknmáli stærðfræðinnar sem er mjög mikilvæg viðbót við hið venjulega tungumál og gerir það að öflugu tjáningartæki
temja sér góða framsetningu og skipulögð vinnubrögð
lesa, skrifa og tjá sig í töluðu máli um efnisatriði sem tengjast stærðfræði með beinum eða óbeinum hætti
átta sig á viðfangsefnum verkefna og þeim skilyrðum sem sett eru fram
einfalda verkefni sem við fyrstu sýn virðast flókin
orða hlutina með öðrum og e.t.v. skiljanlegri hætti
átta sig á lykilatriðum og greina hismið frá kjarnanum
nýta sér hliðstæður við verkefnaúrlausnir og beita samskonar lausnaraðferðum þegar það á við
beita ágiskun byggðri á innsæi því hún getur opnað dyr sem voru lokaðar og beint verkefni í réttan farveg
Lögð er áhersla á að hafa námsmat sem fjölbreyttast og það útfært þannig að það nái til sem flestra námsþátta og taki mið af þekkingar-, leikni- og hæfni viðmiðum áfangans. Skriflegar æfingar eru í hverri viku alla önnina sem nemendur skila einir eða í hóp. Nánari útlistun á námsmati kemur fram í kennsluáætlun.