Í áfanganum er lögð áhersla á hekl- og prjónaaðferðir, munsturgerð og litasamsetningar. Nemendur læra ýmsar aðferðir í prjóni, s.s. úrtöku, útaukningu, munsturprjón, gataprjón og kaðlaprjón. Í hekli læra nemendur grunnatriði í hekli, fastahekl, keðjulykkjur og stuðla og fá þjálfun í að vinna eftir uppskriftum. Unnin er hugmyndamappa sem inniheldur tilraunir, prufur og vinnulýsingar. Nemendur vinna eitt lokaverkefni eftir uppskrift annaðhvort í prjóni eða hekli.
Engar
Nemandi skal hafa öðlast þekkingu og skilning á:
grunntækni í hekli og prjóni
þeim áhöldum sem notuð eru við prjón og hekl
hinum ýmsu aðferðum sem notaðar eru við prjón og hekl og geti nýtt sér þær í sjálfstæðri vinnu
hvar hægt er að nálgast uppskriftir og kennslumyndbönd á veraldarvefnum
Nemandi skal hafa öðlast leikni í að:
lesa og fara eftir prjóna- og hekluppskriftum, bæði á íslensku, dönsku og ensku
hekla loftlykkjur, keðjulykkjur, fastapinna og stuðla
kunna a.m.k. tvær aðferðir við uppfit
prjóna slétta og brugðna lykkju, tvíbanda-, gata- og kaplaprjón, fella af, lykkja og sauma saman stykki
ganga frá endum í hekluðum og prjónuðum verkum
nota kennslumyndbönd á veraldarvefnum
vanda vinnubrögð og allan frágang á verkefnum
Nemandi skal geta hagnýtt þá almennu þekkingu og leikni sem hann hefur aflað sér til að:
geta nýtt sér upplýsingatækni við vinnu í hekli og prjóni
lesa úr og nota vinnuleiðbeiningar í máli og myndum
vanda alla þætti ferlisins
Leiðsagnarmat en þá er horft m.a. til vinnulags og vandvirkni við alla þætti vinnuferlisins. Vinnusemi, skipulag og sjálfstæð vinnubrögð eru mikilvæg atriði. Verkefnum er skilað jafnt og þétt yfir önnina.