Nemendur læra að teikna snið fyrir fóðraðan jakka (yfirhöfn), sauma prufuflík og fullgerðan jakka. Einnig er saumaður kjóll eftir eigin hugmynd. Lögð er áhersla á persónulega og skapandi hönnun við gerð á jakka og kjól sem felst í hugmyndavinnu, skissugerð, lokateikningu og vinnuskýrslu er sýnir ferli hönnunar frá hugmynd að fullgerðri flík. Nemandur þjálfast í útreikningi á efnismagni og skipulagi við sníðingu á efni, fóðri og flísilíni. Lögð er áhersla á teikningu grunnsniða og þau notuð til að vinna flóknari sniðútfærslur í ½ stærð og yfirfæra í 1/1. Lögð er áhersla á skipulagt vinnuferli og þjálfun í mátun sniða með saumi á prufuflíkum og leiðréttingu sniða eftir mátun.
FATS2SP05, FATS2SB05 og FATS3SS05
Nemandi skal hafa öðlast þekkingu og skilning á:
fóðrun yfirhafna og kjóla
saumi á saumtækniatriðum eins og krögum og vösum
hvaða hráefni henta í jakka (yfirhafnir)
notkun flísilíns í flíkum
uppbyggingu grunnsniðs af yfirhöfn með tilheyrandi viðbótarvídd
útreikningi á efnismagni samkvæmt sniðum
vinnu við útfærslu sniða og saumi á fóðruðum jakka (yfirhöfnum
Nemandi skal hafa öðlast leikni í að:
afla upplýsinga fyrir hönnunarvinnu á kjól og jakka (yfirhöfn
skissa hugmyndir og teikna tískuteikningar og flatar vinnuteikningar
útfæra snið í ½ mælikvarða og yfirfæra í raunstærð
framkvæma sniðútfærslur á grunnsniði fyrir kjól og jakka
gera snið af fóðraðri flík
sníða og sauma fóður inn í flík
nota flísilín á réttan hátt
reikna út efnismagn fyrir flík
Nemandi skal geta hagnýtt þá almennu þekkingu og leikni sem hann hefur aflað sér til að:
hanna, teikna og útfæra snið af kjól og utanyfirflík eftir eigin teikningum
nýta tölvu við upplýsingaöflun og uppsetningu vinnuskýrslu
útfæra snið í ½ stærð og yfirfæra í 1/1 stærð
fullgera snið að fóðraðri utanyfirflík
gera saumtækniprufur af vösum og krögum
sauma fóðraða utanyfirflík á skipulagðan hátt og vanda frágang
fullgera snið og sauma kjól á skipalagðan og vandaðan hátt
Leiðsagnarmat: Við námsmat er horft m.a. til vinnulags og vandvirkni við alla þætti vinnuferlisins. Vinnusemi, skipulag og vilji til sjálfstæðra vinnubragða eru mikilvæg atriði. Öllum verkefnum er skilað til lokamats í lok annar.