Það kom upp villa senda inn  Áfangi

    Áfangi Nánari upplýsingar


    Búið til: 1430859108.44

    Hönnun: Tískuteikning 2
    TTEI2TS04(FB)
    1
    Hönnun
    Tískuteikning, saga og ferilmappa, stíll
    Samþykkt af skóla
    2
    4
    FB
    Í áfanganum fá nemendur innsýn í sögu tískuteikninga fram til dagsins í dag. Þeir kynnast teikningu sem verkfæri í fata- og textílhönnun. Farið er ítarlega í flatar teikningar og teikning ýmissa smáatriða í fatnaði og textíl er þjálfuð. Aðaláherslan lögð á frekari æfingar fyrir tískuteikningar, módelteikningar, uppstillingar, mismunandi stílbrigði og frágang teikninga. Áhersla einnig á línur, skugga, fellingar, fall, liti, form, jafnvægi, hlutföll, vaxtarlag, áferð og munstur. Nemendur fá þjálfun í að þróa persónulegan stíl samhliða því að vinna að hönnun á fatnaði. Lögð er áhersla á að nota ýmis óhefðbundin efni og aðferðir við teikninguna og hugmyndavinnuna Nemendur velja sér verkfæri, liti og aðferðir til að ná fram persónulegum teikningum. Áhersla er lögð á teikningu fatnaðar á líkama eða gínu. Lagður er grunnur í notkun skanna og frekari vinnu í teikniforriti. Nemendur þjálfa áfram þemavinnu, hugmyndavinnu og skissugerð og vinna í skissubækur. Nemendur vinna að ferilmöppu.
    TTEI1HH04
    Nemandi skal hafa öðlast þekkingu og skilning á:
    • hvernig hægt sé að ná fram skuggum, munstrum og áferðum í teikningu
    • hvernig megi stílisera teikningar og gera þær persónulegar og skapandi
    • hvernig megi teikna vandaðar flatar vinnuteikningar
    • hvernig megi lesa flatar vinnuteikningar
    • hvernig mismunandi verkfæraval veitir mismunandi útkomu
    • hvernig megi þjálfa líkamsteikningu og gínuteikningu
    • hvernig tíðarandi hefur áhrif á tískuteikningar
    • hvernig setja megi fram hugmyndir og ganga frá verkefnum í ferilmöppu
    Nemandi skal hafa öðlast leikni í að:
    • nota ýmis teikniáhöld og liti við gerð tískuteikninga
    • koma til skila hugmyndum að fatnaði með teikningu
    • teikna fatnað fyrir gínur og fólk
    • ná fram skuggum, fellingum, munstrum og áferðum í teikningu
    • stílisera og ná fram persónulegri túlkun í teikningum
    • velja verkfæri sem henta mismunandi verkefnum
    • vinna vandaðar vinnuteikningar
    • nota óhefðbundnar aðferðir við teikningu
    • teikna flatar teikningar
    • útbúa þema- og litaspjöld jafnt í höndum og í tölvu
    • vinna hugmyndavinnu og teikna skissur út frá þema
    • nota tölvur við uppsetningu og frágang á tískuteikningum
    • beita aðferðum til að ná fram áferðum og skyggingum í teikningum
    • setja fram hugmyndir og ganga frá verkefnum í ferilmöppu
    • skoða og læra af erlendum og íslenskum tískuteiknurum
    Nemandi skal geta hagnýtt þá almennu þekkingu og leikni sem hann hefur aflað sér til að:
    • koma til skila hugmyndum að fatnaði
    • teikna flatar teikningar
    • vinna með þema- og litaspjöld og vinna úr hugmyndum í skissuformi
    • tjá sig í tískuteikningu á persónulegan hátt
    • velja rétt verkfæri fyrir verkefni
    • setja hugmyndir sínar og teikningar upp á fjölbreyttan hátt í höndum og í tölvum og setja upp í ferilmöppu sem nýta má til frekara náms eða vinnu.
    • skoða verk tískuteiknara í gegnum tíðina og nýta þau sem innblástur fyrir sín verk
    • greina tískuteikningar eftir tíðaranda
    Verkefnaskil yfir önnina. Nemendur skila svo vandaðri vinnumöppu (ferilmöppu) sem inniheldur verkefni annarinnar ásamt skissubók sem unnin hefur verið jafnt og þétt yfir önnina. Nemendur þurfa að geta gert grein fyrir vinnu sinni munnlega í yfirferð með samnemendum og kennara. Vinnusemi, ástundun, skilvirkni og vandvirkni er einnig hluti af námsmati.