Það kom upp villa senda inn  Áfangi

    Áfangi Nánari upplýsingar


    Búið til: 1430863497.53

    Textíll: Litun og tauþrykk
    TEXL2LT05(FB)
    2
    Textíll
    Garn- og efnislitun, möppugerð, prufuvinna, tauþrykk
    Samþykkt af skóla
    2
    5
    FB
    Farið er í undirstöðuatriði munsturgerðar; form, liti og uppbyggingu hugmynda fyrir textíla og nemendur eiga að tileinka sér þær aðferðir í formi tilrauna og prufuvinnu. Nemendur læra meðhöndlun, blöndun og notkun náttúrulita, gervilita og hjálparefna við litun á garni, ofnum og prjónuðum efnum. Nemendur fá innsýn og kennslu í silkiþrykktækni og taumálun. Unnið er með blokk-, stensla-, og rammaþrykk. Nemendur læra að yfirfæra munstur á silkiramma með stenslum og ljósmyndatækni. Lögð er áhersla á fagleg og sjálfstæð vinnubrögð. Nemendur skila góðri hugmynda- og prufumöppu með greinagóðum og upplýsandi texta yfir vinnu sína í áfanganum og sýna fram á notkun þess í tengslum við aðra áfanga. Nemendur vinna sjálfstætt efni/lokverkefni þar sem þeir fullvinna og framkvæma hugmynd og skila dagbók/greinagerð um ferlið og kynna fyrir samnemendum með framsögn. Lögð er áhersla á faglega og hugmyndaríka framsetningu. Farnar eru vettvangsferðir tengdar náminu.
    Engar
    Nemandi skal hafa öðlast þekkingu og skilning á:
    • mismunandi þrykk- og litunaraðferðum
    • greinarmun á mismunandi hjálparefnum fyrir litun og þrykk
    • vinnutækjum og áhöldum sem tilheyra litun og þrykki og fagtungumáli og þeim hugtökum sem notuð eru
    • þeim mun sem er á tengdu og ótengdu símunstri og hvernig þau eru sett upp fyrir þrykk
    • því að miðla þekkingu sinni á fjölbreyttan hátt
    Nemandi skal hafa öðlast leikni í að:
    • nota forrit/tölvutækni til að teikna og vinna munstur fyrir þrykk
    • vinna hugmynd að útfærslu á hönnun á efni í tengslum við hráefni og aðferð
    • vinna með form, liti og áferðir
    • þrykkja og lita mismunandi efni og geta gert grein fyrir hvað hentar hverju sinni miðað við notkun
    • þrykkja tengd og/eða ótengd símunstur
    • nýta sér mismunandi aðferðir við að útfæra eigin hönnun á skapandi og óhefðbundinn hátt
    • taka sjálfstæða ákvörðun varðandi verkefnaval
    Nemandi skal geta hagnýtt þá almennu þekkingu og leikni sem hann hefur aflað sér til að:
    • búa yfir verkkunnáttu til að geta leyst af hendi mismunandi aðferðir í litun og tauþrykki
    • búa yfir sjálfstrausti til að útfæra og túlka hugmyndir og verkefni undir leiðsögn kennara
    • miðla með myndrænni framsetningu eigin hugmyndum ásamt möppu með prufum af lituðum og þrykktum efnum.
    • gera sér grein fyrir styrk sínum og nýta sér hann að nokkru leyti í verkefnavali undir leiðsögn kennara
    Áfanginn er símatsáfangi. Námsmat byggist upp á mati kennara, sjálfsmati nemenda og jafningjamati. Við námsmat er horft til verklags, vandvirkni, frágangs, ígrundunar, rökstuðnings og þátttöku í kynningum á eigin verkum og annarra. Þá er í áfanganum unnið lokaverkefni sem metið er eftir frumleika, notkunar grunnreglna, efnisvals og aðferða.